Amérika süriye xelqige yene 155 milyon dollar yardem qilidighanliqini jakarlidi
Muxbirimiz irade
2013.01.29
2013.01.29
Obama bügün aqsaraydin bergen bayanatida özining mezkur yardem pilanini resmiy imzalighanliqini uqturdi.
Obama esed hökümitining ikki yildin buyan barliq chaqiriqlargha pisent qilmay, öz xelqini balilarni, ayallarni, uniwérsitét oqughuchilirini öltürüshni dawam qiliwatqanliqini bildürdi we amérikining birleshken döletler teshkilati bilen birlikte zorawanliqni ayaghlashturushning yollirini izdewatqanliqini tekitlidi.
Tünügün amérikidiki xelq'ara tereqqiyat orginimu süriye xelqige 10 milyon dollar yardem qilidighanliqini jakarlighan.
Süriyidiki krizis bashlan'ghandin buyan 60 mingdin artuq kishi öldi. Rayonda toqunushlar hélihem dawam qilmaqta. B d t ning bildürüshiche, hazir süriyide 4 milyon kishi insaniy yardemge mohtaj weziyette yashimaqta.