Dilber toxti yeken nahiyilik saqchi idarisi üstidin erkin asiya radi'osigha shikayet xéti yazdi

Biz tünügün yeni 2009 - yili 5 - ayning 20 - küni Uyghur élining yeken nahiyisidin dilber toxtining yeken nahiyilik saqchi idarisi üstidin, erkin asiya radi'o istansisining Uyghur bölümige yollighan shikayet xétini tapshuruwalduq.
Muxbirimiz mihriban
2009-05-21
Share

Dilber toxti öz shikayetnamiside, éri memet tursun tashning 2006 - yili 1 - ayning 24 - küni yeken nahiyilik saqchi idarisining gülbagh yéziliq saqchixanisining saqchi xadimi abdukérim qatarliqlar teripidin tutup kétilip, wén jingshyan isimlik saqchi xadimi teripidin qattiq qiynaq arqiliq soraq qilin'ghan, saqchilarning küshkürtüshi bilen yene bir kamérdiki qasim, tursun qatarliqlar teripidinmu urulghan netijide 11 kündin kéyin yeni 2006 - yili 2 - ayning 6 - küni, saqchixanining tutup turush ornida, héchqandaq qolgha élish buyruqi bolmighan, téxi jinayiti békitilmigen, jaza höküm qilinmighan ehwal astida ölüp ketken" likini bayan qilghan.
 
Yeken nahiyilik teptish idarisi qanun doxturi ehet exmetning tekshürüshiche asasen, memet tursun tashning heqiqeten qattiq qiynaq we tayaq zerbisidin ölgenlikini békitken.

Emma, yeken nahiyilik teptish idarisi bu délo üstidin 2006 - yili chiqarghan 1 - nomurluq höku'ümnamiside,saqchixana bashliqi shu tongrénni wezipisidin qaldurush bilenla cheklen'gen, memet tursun tashning ölümige sewep bolghan saqchi xadimliri qanuni jawabkarliqqa tartilmighan.

Dilber toxtining köp qétim erz qilishi bilen, 2009 - yili, da'iriler memet tursunning anisigha 50 ming yü'en xelq puli, ayali dilber toxti we oghligha 60 ming yü'en tölem puli bérishni höküm qilghan.

Dilber toxti bu hökümge qayil bolmighan hem tölem puli élishnimu ret qilghan. U qeshqer yuqiri derijilik orunlargha erz qilish üchün barghinida, yeken nahiyilik saqchi idarisi saqchilarni ewetip dilber toxtini tutup ekilip, yeken nahiyilik saqchixanigha 10 kün solap qoyghan.

Dilber toxtining dadisi toxti hoshur qizi dilber toxtini dawalitish üchün ürümchige barmaqchi bolghinida dadisi toxti hoshurnimu 15 kün solap qoyghan, taki dilber toxtining anisi aman'gul qurban 60 ming yü'en tölem pulini élishqa razi bolghinidin kéyinla, yeken nahiyilik saqchi idarisi dilber toxti we uning a'ilisining yuqiri derijilik organlargha erz qilmasliq sherti bilen dilber toxti we dadisi toxti hoshurni tutup turush ornidin qoyup bergen.
 

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet