Ürümchide bir soda bazirigha ot ketti
2011.04.18
U bina ürümchi jenubiy poyiz istansisigha yéqin jayda, xitaylar chentangjang dep nam qoyuwalghan bir kochigha jaylashqan.
Xitayning ürümchi ot öchürüsh merkizi etigen sa'et 10 yérimda, bu binaning 11-qewitidin 13-qewitigiche bolghan ariliqtiki turalghu öylerdin ot uchqunliri chiqishqa bashlighanda andin buyruq buyruq tapshuruwélip, her qaysi öt öchürüsh organliridin 9 ot öchürüsh etriti, 44 ot öchürüsh aptomobili we 170 tin artuq ot öchürüsh xadimini seperwer qilghan.
Xewerde éytilishiche, ürümchidiki tyenbaw xelq'ara soda baziri dégen binaning 1-qewitidin 4-qewitigiche hemmisi zibuzinnet buyumliri sétilidighan bazar. 5-Qewitidin 23-qewitigiche hemmisi turalghu, emma bu turalghular ichide yene herxil organlarning ishxaniliri we iskilatliri bar.
Bügün ot öchürüsh etretliri bu binada qamilip qalghan ahalilerni shota bilen chüshürüp, binaning astidiki téz dawalash ponkitlirida dawalashqa bashlighan. Yene 100 din artuq ahalini tarqaqlashturghan.
Uchur arxiplirigha qarighanda, 2008-yili 1-ayning 20-küni ,mushu küchidiki déxuy top sétish binasi dep atilidighan bir soda bazirigha ot ketken bolup, apet chiqimini pütünley aptonom rayon tölep bergen iken.