Әзәрбәйҗанда парламент сайлими өткүзүлди

Йәкшәнбә күни кавказийидики түркий тиллиқ әзәрбәйҗан җумһурийитидә парламент сайлими өткүзүлди. Б б с агентлиқи рус шөбисиниң хәвәр қилишичә, йәкшәнбә күни кәч саәт 5 кичә болған арилиқта 45% сайлиғучи беләт ташлап болған болуп, кәчтин башлап сайлам нәтиҗиси чиқишқа башлиған.
Мухбиримиз үмүдвар
2010-11-07
Share

Дәсләпки нәтиҗә бойичә алғанда, һазир һакимийәт үстидә туриватқан "йеңи әзәрбәйҗан партийиси" ниң ғәлибә қазинидиғанлиқи ениқ болуп, президент илһам әлийеф мәзкур партийидин келип чиққан. Бу қетимқи сайламни явропа һәмкарлиқи вә бихәтәрлики тәшкилати қатарлиқ бир қисим хәлқаралиқ тәшкилатларниң көзәткүчилири көзәткән болсиму, бирақ өктичиләр сайламниң қаидигә уйғун болмиғанлиқини әйиблигән.
 
Әзәрбәйҗандики өктичиләр илһам әлийефниң һакиммутләқлиқини тәнқид қилмақта. Совет иттипақи йимирилгәндин кейин мустәқил әзәрбәйҗан җумһурийитигә бир қанчә киши президент болған, кейин сабиқ совет иттипақи рәһбири хадимлиридин һәйдәр әлийеф рәһбәрлик қилған. У вапат болғандин кейин, униң оғли илһам әлийеф президент болуп, һазирғичә һакимийәтни идарә қилип кәлмәктә. Өктичиләр әлийеф аилисини мустәбитлик билән тәнқид қилмақта. Нөвәттә, әзәрбәйҗан ғәрб дөләтлири вә русийә арисида ташқи сиясәт йүргүзүшкә мәҗбур болған.

Әзәрбәйҗан кавказийидики, җүмлидики дунядики муһим нефит ишләпчиқиридиған дөләтләрниң биридур.

 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт