Aral döliti - palaw güentanamodiki 17 neper Uyghurning hemmisini qobul qilmaqchi

Bu heqte ziyaritimizni qobul qilghan palawning amérika paytexti washin'gtonda turushluq bash elchisi hérséy kyota ependi öz dölitining güentanamodiki 17 neper Uyghurni qobul qilish qarari heqqide toxtilip, bu Uyghurlarning térrorchi emeslikini, peqet ensiz yillarda namuwapiq jayda turup qalghanliqi sewebidinla bu xil dishwarchiliqlarni tartqanliqini, shunga insanperwerlik nuqtisidin bu Uyghurlargha bashpanah bolushni toghra tapqanliqini ilgiri sürdi. U yene bundaq qilishning amérika - palaw munasiwetlirini ilgiri süridighanliqini bildürdi.

Birleshme agéntliqining bügünki xewirige qarighanda, palaw prézidénti jonson toribi'ongmu güentanamodiki 17 neper Uyghurni " insanperwerlik yardimi" süpitide qobul qilishini qarar qilghanliqini bildürgen.

Palaw 1994 - yili musteqil bolghan aral döliti bolup, mezkur döletning dölet mudapi'e bixeterlikini amérika armiyisi üstige alghan.

Palaw xitayning musteqilliqni étirap qilmay, teywen bilen diplomatik munasiwet ornatqan döletlerning biri.