Нәнҗин шәһиридә мусулманларни кәмситишкә қарши намайиш болди

Хоңкоңда чиқидиған миңпав гезитиниң баян қилишичә, җаңсу өлкисиниң нәнҗин шәһиридә 9‏ - айниң 8‏ - күни 300 дин артуқ мусулман шәһәрлик һөкүмәтниң алдиға келип, пүтүн җәмийәтниң мусулманларни кәмситмәсликини тәшәббус қилди. Қораллиқ сақчилар намайишчиларни қаттиқ назарәт қилди.
Мухбиримиз вәли
2009.09.09

Америка авазиниң баян қилишичә, ақ доппа, ақ кейим кейип нәнҗин шәһәрлик һөкүмәтниң алдиға кәлгән бир нәччә йүз кишиниң, мусулманларни кәмситишкә наразилиқ билдүрүш һәрикити 5 саәт давам қилди. Улар 'һөкүмәт сәмимий болуши керәк', 'мусулманларни кәмситмәслики керәк' дәп шуар товлап турди.

Хоңкоңдики кишилик һоқуқ учур мәркизиниң баян қилишичә, үрүмчидә хитайлар 'уйғурлар йиңнә санҗиди' дәп намайиш қилғандин кейин, җяңсу қатарлиқ бир қанчә өлкидә, хитайлар мәсчитләрниң алдиға келип йәп - ичип, чуқан селип, рамизанни мәсхирә қилидиған, кочиларда таксилар мусулманларни рәт қилидиған вәқәләр көп күрүлгән. 
Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.