12 ياشلىق ئۇيغۇر ئۆسمۈرنىڭ ئۆلتۈرۈلۈشىگە نارازىلىق بىلدۈرۈپ ۋاشىنگتوندىكى خىتاي ئەلچىخانىسى ئالدىدا نامايىش ئۆتكۈزۈلدى
2012.06.01
ئامېرىكا ئۇيغۇر جەمئىيىتى تەرىپىدىن ئۇيۇشتۇرۇلغان مەزكۇر نامايىش، كورلا ساقچى دائىرىلىرىنىڭ 20-ماي مىرزات ئامانۇللا شاھيارى ئىسىملىك 12 ياشلىق بىر ئۆسمۈر بالىنى مەخپىي قۇرئان كۇرسىغا قاتناشقانلىق سەۋەبىدىن تۇتۇپ كېتىپ، ئەتىسى ئائىلىسىگە جەسىتىنى تاپشۇرۇپ بەرگەنلىكىگە نارازىلىق بىلدۈرۈش يۈزىسىدىن ئېلىپ بېرىلغان.
مىرزات ئامانۇللانىڭ مەككىدە تۇرۇشلۇق دادىسىنىڭ ئاشكارىلىشىچە، مىرزاتنىڭ بەدەن، بويۇن ۋە باش قىسمىدا ئېغىر تاياق ئىزى بولسىمۇ، بىراق كورلا ساقچى دائىرىلىرى ئۇنىڭ ئانىسىنى چاقىرىپ، مىرزاتنىڭ تامغا ئۈسۈپ ئۆلۈۋالغانلىقى ۋە جەسەتنى ھېچقانداق داۋراڭ سالماي دەرھال دەپىنە قىلىۋېتىشنى تەلەپ قىلغان.
بۇ ۋەقە ئاخبارات ۋاسىتىلىرىدە ئاشكارىلانغاندىن كېيىن، چەتئەلدىكى ئۇيغۇر مۇھاجىرلىرى ئارىسىدا كۈچلۈك ئىنكاس قوزغىغان ئىدى. بۇ ۋەقەنىڭ يەنە، مەملىكەت ئىچى ۋە سىرتىدا «5-ئىيۇل ۋەقەسى» دىن بۇيان ئىز دېرەكسىز يوقاپ كەتكەن ئۇيغۇرلارنىڭ ئىز دېرىكىنى قىلىش چاقىرىقى كۈچىيىۋاتقان مەزگىلدە يۈز بېرىشى، ئىلگىرىلەپ نارازىلىق قوزغىغان.
جۈمە كۈنكى نامايىش ئامېرىكىنىڭ شەرقىي قىرغىقى ۋاقتى بىلەن چۈشتىن كېيىن ئۆتكۈزۈلگەن. بۇ جەرياندا نامايىشچى ئامما خىتاينىڭ ئۇيغۇرلارغا قاراتقان سىياسىتىنى تەنقىد قىلىدىغان ھەر خىل شوئارلارنى توۋلاپ، ئۇيغۇرلارنىڭ كىشىلىك ھوقۇقىغا ھۆرمەت قىلىشنى تەلەپ قىلغان.
كۆپ كۆرۈلگەن خەۋەرلەر
RFA
- ئەركىن ئاسىيا رادىيوسى ئۇيغۇر بۆلۈمى: خىتاينىڭ ئۇيغۇرلار ئۈستىدىكى شەپقەتسىز ھۆكۈمرانلىقىنىڭ زۇلمەتلىرىنى يېرىپ ئۆتكۈچى نۇر
- گېرمانىيەنىڭ ئەڭ چوڭ خىمىيە سانائىتى شىركىتى قاتتىق ئەيىبلەشلەردىن كېيىن ئۇيغۇر رايونىدىن ئايرىلغانلىقىنى ئېلان قىلدى
- ئۇيغۇر كىشىلىك ھوقۇق قۇرۇلۇشى خەلقئارالىق مېھمانخانا زەنجىرلىرىنىڭ ئۇيغۇر رايونىدا كېڭىيىۋاتقانلىقىنى ئەيىبلەپ دوكلات ئېلان قىلدى
- ئەنگلىيە ھۆكۈمىتى ئۇيغۇر قۇللۇق ئەمگىكى سەۋەبىدىن خىتايدا ئىشلەنگەن كۈنتاختىلارنى چەكلەيدىغانلىقىنى ئېلان قىلدى
- شىنجاڭ ھۆكۈمىتى يېقىندا تەمبۇر چالغان ئۇيغۇر قىزنىڭ ۋىدىيوسىنى تارتقان خىتاي سەنئەتكارنى جازالىغان