Qazaqistan da'iriliri xelq'ara teshkilatning prézidént saylimi heqqidiki tenqidini ret qildi
Shinxu'a agéntliqining astanadin bayan qilishiche, qazaqistan bügün prézidént saylimining netijisini élan qildi. Nur sultan nazerbayéfni 95% awazgha ériship, yene bir qétim qaytidin saylandi dep jakarlidi.
-
Muxbirimiz weli
2011-04-04 -
-
-
Xitay re'isi xu jintaw nur sultan nazerbayifqa télégramma yollap, uning yene qaytidin saylan'ghanliqini qizghin alqishlidi we nur sultan nazerbayéf rehberlikidiki 19 yil ichide tiklen'gen xitay-qazaq dostluqi buningdin kéyin téximu yuqiri pellige kötürülidu dédi.
Roytrs agéntliqining bayan qilishiche, yawropa bixeterlik we hemkarliq teshkilati bügün qazaqistanning prézidént saylimini normal emes dep tenqidlidi. Shundaqla, qazaqistanni köplep islahat élip bérishqa chaqirdi. Emma, shinxu'a agéntliqning bayan qilishiche, nur sultan nazerbayéfning meslihetchisi yérmuqammet yértésbayéf xelq'araning qazaqistanning prézidént saylimi heqqidiki tenqidini ret qilghan.
Ottura asiyada turushluq b b s muxbirlirining inkas qilishiche, qazaqistandiki démokratik islahat iqtisadiy tereqqiyattin köp arqida. Xelq nur sultan nazerbayéf bilen muqimliqni saqlash dégen atalghuning menisi bir dep qaraydu.
Qazaqistanda ötküzülüwatqan prézidént saylimi, xuddi sowét ittipaqi dewridiki erkinlik we adalettin xali haldiki saylamlargha opmu oxshash.