ئۈرۈمچىدە مەكتەپلەرنىڭ ئوقۇغۇچىلارنى پۇتبول مۇسابىقىسىنى كۆرۈشتىن توسۇشى گۇمان قوزغىدى
2012.06.11
«ئۇيغۇربىز» تورىنىڭ بۈگۈنكى بۇ ھەقتىكى خەۋىرىدە بىلدۈرۈلۈشىچە، ئۈرۈمچىدىكى بەزى ئوتتۇرا مەكتەپلەر ئوقۇغۇچىلىرىنى شۇ مەيدان مۇسابىقىنى كۆرۈشكە بارماسلىققا چاقىرغان؛ بەزى مەكتەپلەردە مەكتەپ دەرۋازىسىغا قۇلۇپ سېلىنىپ ئوقۇغۇچىلارنىڭ مۇسابىقىگە بېرىشىنىڭ ئالدىنى ئالغان.
دائىرىلەر بۇ خىل چەكلىمىنى تەشۋىق قىلغاندا، ئوقۇغۇچىلارنىڭ بىخەتەرلىك مەسىلىسىنى تىلغا ئالغان بولسىمۇ، بۇ، ئوقۇتقۇچى، ئوقۇغۇچى ۋە جەمئىيەتتىكى كۆزەتكۈچىلەرنىڭ ئىشەنچىگە ئېرىشەلمىگەن.
كىشىلەر بۇ چەكلىمىنىڭ پەقەت ئۇيغۇرلارنىڭ كۆپ ساندا بىر جايغا توپلىنىشىنى مۇقىملىققا تەھدىت دەپ قاراشتىن يولغا قويۇلغانلىقىنى ئىلگىرى سۈرگەن. خىتاي ھۆكۈمىتى يىللاردىن بېرى، ئۇيغۇر ياشلىرىنىڭ مەشرەپ ئوينىشىنى، توي-مەرىكىلەرنى كاتتا ئۆتكۈزۈشىنى ۋە چوڭ مەسچىتلەرگە توپلىنىشىنى توسقان. خىتاينىڭ بۇ نۆۋەت ئۇيغۇرلارنى پۇتبول مۇسابىقىسىنى تاماشا قىلىشتىنمۇ توسۇشى تۇنجى يېقىملىقتۇر.
«ئۇيغۇربىز» تورىنىڭ خەۋىرىدىن ئاشكارىلىشىچە، چەكلىمىگە قارىماستىن، مەزكۇر مۇسابىقىنى كۆرگۈچىلەرنىڭ سانى 50مىڭدىن ئېشىپ، خىتاي بويىچە يەنە يېڭى رېكورت يارىتىلغان.
كۆپ كۆرۈلگەن خەۋەرلەر
RFA
- خىتاي دائىرىلىرىنىڭ ئۇيغۇر دىيارىدا چەت ئەل ئەپلىرىنى چەكلەش ئاگاھلاندۇرۇشى نېمىنىڭ بېشارىتى؟
- ۋاشىنگتون ئەتراپىدىكى ئۇيغۇرلار بۇ يىللىق روزا ھېيت نامىزىنى بىرگە ئوقۇپ، روزا ھېيتىنى كۈتۈۋالدى
- ياركەنت خانلىقى ۋە غوجىلار دەۋرىدىن قالغان ھۆججەتلەر خارۋارد ئۇنىۋېرسىتېتىدا
- زۇمرەتئاي ئەركىن خان جەمەتى چېركاۋىدا ئۇيغۇر ئىرقىي قىرغىنچىلىقىنى تونۇشتۇرغان
- ناخشىچى ئەركىن ئابدۇللا خىتاينىڭ «شىنجاڭ ھېكايىسىنى ياخشى سۆزلەش» تەشۋىقات سېپىدىن ئورۇن ئالغان