Үрүмчидә мәктәпләрниң оқуғучиларни путбол мусабиқисини көрүштин тосуши гуман қозғиди

Мәлум болушичә, үрүмчи шәһәрлик тәнтәрбийә идариси түнүгүн үрүмчидә өткүзүлгән дөләтлик б дәриҗиликләр 9-айланма мусабиқиси һарписида тамашибинларниң санини азайтишқа тиришқан.
Мухбиримиз шөһрәт һошур
2012.06.11

“уйғурбиз” ториниң бүгүнки бу һәқтики хәвиридә билдүрүлүшичә, үрүмчидики бәзи оттура мәктәпләр оқуғучилирини шу мәйдан мусабиқини көрүшкә бармаслиққа чақирған; бәзи мәктәпләрдә мәктәп дәрвазисиға қулуп селинип оқуғучиларниң мусабиқигә беришиниң алдини алған.

Даириләр бу хил чәклимини тәшвиқ қилғанда, оқуғучиларниң бихәтәрлик мәсилисини тилға алған болсиму, бу, оқутқучи, оқуғучи вә җәмийәттики көзәткүчиләрниң ишәнчигә еришәлмигән.

Кишиләр бу чәклиминиң пәқәт уйғурларниң көп санда бир җайға топлинишини муқимлиққа тәһдит дәп қараштин йолға қоюлғанлиқини илгири сүргән. Хитай һөкүмити йиллардин бери, уйғур яшлириниң мәшрәп ойнишини, той-мәрикиләрни катта өткүзүшини вә чоң мәсчитләргә топлинишини тосқан. Хитайниң бу нөвәт уйғурларни путбол мусабиқисини тамаша қилиштинму тосуши тунҗи йеқимлиқтур.

“уйғурбиз” ториниң хәвиридин ашкарилишичә, чәклимигә қаримастин, мәзкур мусабиқини көргүчиләрниң сани 50миңдин ешип, хитай бойичә йәнә йеңи рекорт яритилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.