Rusiyining chégra mudapi'e paraxoti xitay béliqchi kémilirini topqa tutti
2012.07.17
Rusiye bixeterlik bash idarisi sherqiy shimal déngiz qirghiqi mudapi'e idarisining axbarat ishxanisi metbu'atlargha bergen bayanatida, rusiyining chégra mudapi'e paraxoti 7-ayning 16-küni rusiyining déngiz saheside xitayning béliqchi kémisini bayqighan. Rusiye chégra mudapi'e paraxoti béliqchi kémisige chaqiriq bergende xitay kémisi jawab qayturmighan. Eksiche, xitayning béliqchi kémiside qéchishqa urunush alametliri bayqalghan.
Rusiye sherqiy shimal déngiz qirghiqi mudapi'e paraxoti uda 3 sa'et iz qoghlighandin kéyin, xitayning béliqchiliq kémisige agahlandurush zembiriki atqan.
Rusiye terepning bildürüshiche, rusiyining naxodka portigha yalap élip bérilghan xitay béliqchi kémisining ichide 22.5 Tonna loligo siyah béliqi bolsimu, emma kémide béliq tutushqa alaqidar ispatlarning yoq bolushi guman qozghighan. Yéqindin buyan xitayning béliqchiliq kémilirining etraptiki döletlerning déngiz tewelikige kirish ehwalliri köpeygen. Xelq'ara metbu'atlarda ilgiri élan qilin'ghan xewerlerde atalmish xitay béliqchi kémilirining héqiqi muddi'asining gumanliq ikenliki heqqide xewerler tarqalghan idi.