Д у қ шавгүәндики ирқий һуҗумниң 3 - йиллиқи мунасивити билән доклат елан қилди

Дуня уйғур қурултийи шавгүәндики ирқий һуҗумниң 3 - йиллиқи мунасивити билән 25 - июн күни доклат елан қилип, хитай һөкүмитиниң уйғурларға қаратқан миллий кәмситиш сияситини әйиблиди.
Мухбиримиз меһрибан
2012.06.26
Share on WhatsApp
Share on WhatsApp


Дуня уйғур қурултийи тәшвиқат комитети елан қилған бу доклатта, 2009 - йили яз пәслидә үрүмчидә йүз бәргән, хәлқарада зор тәсир қозғиған 5 - июл үрүмчи вәқәсигә биваситә сәвәбчи болған 26 - июн шавгүән вәқәси қайта әсләп өтүлүп, хитай һөкүмитиниң уйғурларға қарита йүргүзүватқан ирқий кәмситиш сиясити әйибләнди.

Доклатта йәнә, 3 йил бурун йүз бәргән шавгүәндики ирқий һуҗумниң маһийити вә характерини дуня җамаәтчиликигә паш қилишниң әһмийити һәққидә тохтилип, бу вәқәниң хитай һакимийитиниң уйғур хәлқигә қарита йүргүзүп кәлгән ирқий айримичилиқ, ирқий қирғинчилиқ вә кәң көләмдә тутқун қилиш, өлтүрүш қилмишлириниң җанлиқ испати икәнлики тәкитлинип, хәлқара инсан һәқлири тәшкилатлири һәм демократик әлләрни хитай һөкүмитиниң миллий зулуми астида езиливатқан уйғур хәлқиниң һәқиқий әһвалини көрүшкә һәм хитайға бесим ишлитишкә чақирған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.