Laxdar brahimi, xitayni süriyidiki zorawanliqqa xatime bérishte aktip rol oynashqa chaqirdi

B d t we ereb ellirining süriye mesilisi boyiche alahide elchisi laxdar brahimi xitayni ziyaret qilip, tashqi ishlar ministiri yang jyéchi bilen söhbet élip bardi we xitayni süriyidiki zorawanliqqa xatime bérishte aktip rol oynashqa chaqirdi.
Muxbirimiz erkin
2012-10-31
Share

Xitay b d t xewpsizlik kéngishining es'ed hökümitini jazalash heqqidiki qararlirini izchil ret qilip kelgen idi. Laxdar brahimi charshenbe küni yang jyéchi bilen muxbirlarni kütüwélip, men süriyidiki weqening hel qilinishida xitayning aktip rol oynishini ümid qilimen, dégen.

Bu brahimining yéqinqi 2 ay ichide yang jyéchi bilen süriye mesilisini 3‏-qétim muzakire qilishi. Yang jyéchi muxbirlargha eskertip, ularning muzakirisi “Öz-ara chüshenchini algha sürüsh”, “Süriye mesilisini muwapiq bir terep qilish”qa türtke bolidighanliqini tekitligen. Xitay tashqi ishlar ministirliqi ularning konkrét söhbet mezmunini ashkarilimidi. Tashqi ishlar ministirliqi bayanatchisi xung léy xitayning siyasitini aqlap, uning süriyidiki toqunushni siyasiy yol bilen hel qilishta ijabiy we aktip rol oynap kéliwatqanliqini bildürgen.

Biraq, xitayning rusiye bilen birliship, b d t qararlirini ret qilishi kishilik hoquq teshkilatliri, amérika bashchiliqidiki gherb elliri we süriye öktichilirining qattiq tenqidige uchrighan. Laxdar brahim, xitayning “Yershari waqti géziti”, sherqiy türkistan islam partiyisi we sherqiy türkistan ma'arip hemkarliq jem'iyitining süriyige Uyghur jengchilirini ewetip, öktichi köchlerning sépide urush qiliwatqanliqini ilgiri sürgen mezgilde béyjingni ziyaret qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet