Uyghur oqughuchilarning ishqa orunlishish nisbiti zadi qanchilik ?

Aliy mektep püttürgen Uyghur oqughuchilarning ishqa orunlishalmaywatqanliqi inkas qiliniwatqan bu peytlerde, xitay axbarat sahesi 18 ‏ - dékabir küni, xitay ölkiliridiki " shinjang toluq ottura mektep" oqughuchiliri xizmitige mes'ul xadimning sözini neqil keltürüp, xitay ölkiside toluq ottura mektipini püttürgen Uyghur oqughuchilirining 85 pirsentining xitaydiki nuqtiliq aliy mekteplerde oqushini tamamlap, bu yil öz yurtigha qaytqanliqi we mutleq köp qismining ish teqsimatigha ige qilin'ghanliqini bildürdi.
Muxbirimiz eqide
2008-12-18
Élxet
Pikir
Share
Print

2000 ‏ - Yili xitay ölkiliride tesis qilin'ghan " shinjang toluq ottura sinipi" xitay hökümitining az sanliq millet ixtisas igilirini yétishtürüshtiki nahayiti muhim dep qarighan ma'arip tedbiri bolup, emma bu Uyghur xelqining naraziliqini qozghapla qalmay, xelq'aradiki mutexessisler arisida munazire qozghawatqan bir mesilige aylan'ghan idi.

Ularning qarishiche, Uyghur perzentlirini, öz ana tili ma'aripida terbiyileshtin mehrum qaldurush, bolupmu ata ‏ - anisidin, ösüp yétilgen muhit we yurtidin ayrip, xitay yurtida terbiyilesh, Uyghur ma'aripini, medeniyiti, tarixini hetta Uyghurlarning mewjudiyitini yoq qilishqa urunushtin ibaret meqsetlik tedbir.

Gerche xitay axbarat wastiliri, qosh tilliq ma'arip siyasitini teshwiq qilish gherizide, xitayda toluq ottura we aliy mekteplerni püttürgen tunji qarar Uyghur oqughuchilirining 85 pirsentining öz yurtigha qaytip kélip ishqa orunlashturulghanliqini élan qilghan bolsimu, biraq radi'omizgha kelgen inkaslargha qarighanda, bu oqughuchilarning ishqa orunlishish nisbiti yenila nahayiti az hésablinidiken.

Toluq bet