Jéjyangda taksi shopurliri, xénende néfit ishchiliri ish tashlidi

Yéqindin buyan xitayda puqralarning hökümetke qarshi naraziliq namayishliri barghanche köpeymekte.
Muxbirimiz méhriban
2011.08.09

Ötken hepte jéjyangning xangju shehiridiki 1500 din artuq taksi shopuri uda 3 kün ish tashlap namayish qilip, mal bahasining ösüshige egiship may bahasining örligenlikini, emma taksi shopurlirining tapawiti ösmigenliki, hökümet emeldarlirida bolsa parixorluqning kücheygenliki üstidin shikayet qilghan idi.

Shinxu'a agéntliqi qatarliq hökümet metbu'atliri  hökümet da'iriliri taksi shopurlirigha toluqlima yardem puli béridighanliqini bildürgendin kéyin bu hepte, xangjuda taksi shopurliri ishqa chüshkenlikini xewer qilghan idi. Emma roytérs agéntliqining bügün béyjingdin xewer qilishiche, 9-awghust seyshenbe küni yene 1000 gha yéqin taksi shopuri xangjuda namayishni dawamlashturghan.

Oxshash bir künde yeni 9-awghust  1000 gha yéqin xénenlik néfit ishchisi, ma'ashini östürüp bérish, parixor emeldarlarni jazalashni telep qilip, jéngju shehiride namayish qilghan.

Melum bolushiche,  xénen néfit ishchilirining bu qétimqi naraziliq namayishigha, néfit shirkiti bashliqliri hem ishxana xizmetchilirining ayliq ma'ashining ishchilarning ma'ashidin nechche hesse yuqiriliqi,  emma  mal bahasi yuqirilighan shara'itta ishchilarning ma'ashining östürüp bérilmigenliki seweb bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.