Японийә, хитайни ядро қораллири тәрәққияти җәһәттә очуқ - ашкара болмиди дәп әйиблиди

Ройтерста нәқил қилинишичә, америка президенти барак обаманиң " ядро қораллири болмиған дуня" қаришини қоллайдиғанлиқини билдүргән японийә ташқи ишлар министири, " хитай ядро қораллирини барғанчә еғирлаштуруватиду, у һазирғичә ядро қораллирини қисқартиш җәһәттә һечқандақ тәдбир қолланғини һәмдә ядро қораллириниң сани һәққидиму һечқандақ учур бәргини йоқ," деди.

Хрофуми накасоне йәнә, японийиниң келәр йили 2010 - йилидики ядро қораллирини қисқартиш шәртнамисигә қарап чиқиш йиғинидин илгири ядро қораллирини чәкләш хәлқаралиқ илмий муһакимә йиғиниға саһибхан болидиғанлиқини уқтурған.

Хитайниң һәрбий хам чотида ашкара болмаслиқ мәсилиси нурғун дөләтләрни биарам қилип келиватқан мәсиләрниң бири.

Хитай 2008 - йили һәрбий хам чотини 2007 - йилидикигә қариғанда 17 пирсәнттин юқири нисбәттә көпәйтидиғанлиқини уқтурғандин кейин, бу , дуня характерлик инкас қозғиған һәмдә бәзи һәрбий саһәдики мутәхәссисләр хитайниң әмәлий һәрбий селинмисиниң елан қилғандикидинму йәнә нәччә һәссә юқири болуши мумкинликини илгири сүргән иди.

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар