Америка әмәлдари хитайниң йеңи паспорти мәсилисигә диққәт қилидиғанлиқини билдүрди

Америка әмәлдари хитайниң йеңи паспортидики хитай хәритиси ичигә киргүзүвелинған җәнубий деңиздики араллар мәсилиси түпәйлидин келип чиққан хәлқаралиқ җедәлләргә диққәт қиливатқанлиқини билдүрди.
Мухбиримиз меһрибан
2012-11-30
Елхәт
Пикир
Share
Принт

Америка дөләт мәҗлиси баянатчиси викториал нуланд түнүгүн 29-ноябир баянат елан қилип, «хитайниң йеңи паспорти кәлтүрүп чиқарған маҗираларға қарита, америка, хитай һөкүмитидин һазирға қәдәр икки қетим бу мәсилигә чүшәндүрүш беришни тәләп қилди. Хитай һөкүмити бу мәсилигә қарита өзиниң қаришини билдүрүп өтти.Әмма биз башқа дөләтләр билән бирликтә хитай һөкүмитиниң бу мәсилә һәққидә қайта ойлинишини үмид қилимиз» деди.

Хитайниң бу йил 5-айда тарқатқан йеңи паспортида узундин буян җәнубий деңиздики дөләтләр арисида талаш-тартишларға сәвәб болуватқан аралларни өзиниңки қиливалғанлиқи филиппин, вйетнам, һиндистан, малайшия, тәйвән, броней қатарлиқ қошна мәмликәтләрдә вә районларда наразилиқ пәйда қилған иди. Түнүгүн филиппин қатарлиқ дөләтләр баянат елан қилип, хитайниң йеңи паспортиға виза бәрмәйдиғанлиқини уқтурған. Хитай тәрәп болса җәнубийй деңиз тәвәликигә киридиған кемиләргә қарита тәкшүрүшни йолға қойидиғанлиқини билдүргән иди.

Пикирләр (0)
Share
Толуқ бәт