Uyghur adwokat reyhan eset holléwud cholpanlirini Uyghurlar üchün otturigha chiqishqa chaqiridi

Muxbirimiz jüme
2020-09-27
Élxet
Pikir
Share
Print
"Baghdash tori" ning qurghuchisi, tonulghan yash karxanichi ekber esetning amérikada turushluq hedisi reyhan eset inisini qutuldurush üchün heriket qilmaqta. 2020-Yili 8-iyun.
"Baghdash tori" ning qurghuchisi, tonulghan yash karxanichi ekber esetning amérikada turushluq hedisi reyhan eset inisini qutuldurush üchün heriket qilmaqta. 2020-Yili 8-iyun.
Reyhan Eset teminligen

Uyghur adwokat reyhan eset maqale élan qilip, holléwud cholpanlirining Uyghur mesilisidiki jimjitliqini eyiblidi we ularni Uyghurlar üchün otturigha chiqishqa chaqiridi.

U, amérikida chiqidighan "The Hill" yeni "Töpilik" gézitide élan qilghan "Biz Uyghurlargha yene bir qehriman kérek" namliq maqaliside, "Mulen" filimini ishligüchilerning Uyghur élidiki yighiwélish lagérlirining yasilishida mes'uliyiti bar xitayning hökümet organlirigha rehmet éytqanliqidin qattiq ümidsizlen'genlikini éytti. 

U mandaq dédi: "Ümidsizlen'genlikimge qarimay, men shinjangdiki Uyghur qirghinchiliqi toghrisidiki uchurlarni tarqitishimgha yardem qilidighan ümid chirighini izdewatimen, manga ten richard gyérni izdewatimen."

Richard gyér xitayning tibetlerge yürgüzgen basturush siyasitige qarshi otturigha chiqqan amérikiliq dangliq kino cholpini idi. 

Reyhan eset maqaliside, sudandiki darfor mesilisi, rohin'ga musulmanlirigha qilin'ghan irqiy tazilashlarda holléwud cholpanliridin anjilina joly, miya farrow, stiffén kolbyér qatarliqlarning otturigha chiqip, zulumgha uchrighuchilar üchün söz qilghanliqini, emma Uyghurlargha kelgende héchkimning lam-jim démigenlikini otturghan qoydi. 

U mundaq dédi: "Halbuki, Uyghurlargha qaritilghan keng kölemlik wehshiylik asasen süküt bilen jawablandi. Buning chüshenmeslik, yaki jazadin qorqushtin bolghan-bolmighanliqigha bir néme démek tes."

Reyhan eset dunyagha dangliq XaRward uniwérsitétni püttürgen birdin bir Uyghur adwokat. Uning inisi ekber eset 2016-amérika hökümiti teripidin orunlashturulghan bir nopuzluq terbiyelesh kursigha qatniship yurtigha qaytqandin kéyin tutup kétilgen. Kéyin uning 15 yilliq késilgenliki otturigha chiqqan.

Ekber eset Uyghur diyaridiki dang qazan'ghan "Baghdash" torining qurghuchisi bolup, u netije qazan'ghan Uyghur karxanichilarning bir iken. 

Reyhan eset, maqalisining axirida özining peqet inisining hörlüki üchünla emes, belki shu zulum chékiwatqan milyonlighan Uyghurlar üchün otturigha chiqidighan cholpanlarni jiddiy izdewatqanliqini otturigha qoydi.

Toluq bet