Турпандики от кәткән сода сарайниң дәва‏си һазирға қәдәр һәл қилинмиған

Мухбиримиз әркин
2013.04.01
turpan-ot-soda-saray-305.jpg Турпандики сода сарайға от кетиватқан көрүнүш.
Youku

2012‏-Йил 10-айда турпан шәһәр мәркизидики “йеңи тәрәққият сода базири” ға от кетип, нурғун дукан вә мал-мүлүк көйүп күлгә айланған иди. Мәзкур базарниң хоҗайини бир хитай болсиму, бирақ узун муддәтлик иҗарә елип тиҗарәт қиливатқан дукандарларниң аз дегәндә 70% ни уйғурлар игиләйтти.

Қалған қисмини хитай вә туңганлар тәшкил қилатти. От кетип аридин 6 ай өткән болсиму, бирақ даириләр һазирға қәдәр өт апити һәққидә доклат елан қилип, от кетиш сәвәбини чүшәндүрүп бақмиған. Бу хәлқ ичидә от апитиниң келип чиқиш сәвәби һәққидики һәр хил гуманларни қозғиған.

Әң муһими, йәрлик һөкүмәт дуканни ремонт қилиш, зиянға учриған дукандарларға яр-йөләк болуп, уларниң тиҗаритини әслигә кәлтүрүвелишиға ярдәм қилиш қатарлиқ ишларда һазирға қәдәр һечқандақ әмәлий тәдбир қолланмиған. Вәқәдин хәвәрдар кишиләрниң билдүрүшичә, “йеңи тәрәққият сода базири” ниң хоҗайини мәзкур бинаға бихәтәрлик суғуртиси сетивалмиған. Бәзи көзәткүчиләр, әгәр бихәтәрлик суғуртиси йоқ бир бинаниң сода мәшғулати билән шуғуллинишиға йол қоюлған болса, бу һөкүмәтниң зор хаталиқи икәнликини, бу мәсилидики мәсулийәт һөкүмәткә артилидиғанлиқини илгири сүрди.

Бәзи дукан игилири йәрлик һөкүмәтниң езиләңгүлүкигә наразилиқ билдүрүп үрүмчигә дәва-дәстурға барған болсиму, бирақ йәрлик һөкүмәт сақчиларни әвәтип дәвагәрләрни қайтуруп кәлгән. Уларға дава қилишни тохтатмиса, ақивитигә өзи игә болидиғанлиқини агаһландуруп тәһдит салған.

Бу мунасивәт билән мухбиримиз әркин, турпан “йеңи тәрәққият сода базири” да дукан ачқан бир ханим билән мәзкур мәсилә һәққидә сөһбәт елип берип әһвал игилиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.