Һаят-у үмид, у сәбир

Уйғур қизи гөһәрниң ата-аниси вә уруқ-туғқанлириниң 11-сентәбир қурбанлирини хатириләш мурасимидин алған тәсиратлири һәққидә мухбиримиз тәйярлиған программини диққитиңларға сунимиз.
Мухбиримиз гүлчеһрә
2011-09-13
Share
911-11-sentebir-xatirilesh-305.jpg Мәрһумә гөһәрниң ата-аниси вә уруқ-туғқанлири невйорктики нөл нуқтида 11-сентәбир паҗиәсиниң 10 йиллиқини хатирилиди. 2011-Йили 11-сентәбир.
RFA

11-Сентәбир паҗиәси, һәр йили шу күндә қайтилап ейтилидиған бу чөчәк, 10 йиллиқида йәнә қайтиланди, яриланған қәлбләр шу дәқиқә шу минутта һаят билән мамат оттурисида ғайиб болған өч миңларчә бигунаһ җанларға атап дуа тилавәтләр қилишти, көзләр нәмләнди, 11-сентәбир вәқәсиниң 10 йиллиқини хатириләш үчүн невйорктики нөл нуқтиға йиғилған кишиләр арисида, 11-сентәбир паҗиәсиниң биваситә қурбанлири ичидики бирдин бир уйғур қизи гөһәрниң ата-аниси уруқ туғқанлириму бар иди.

nol-nuxta-385.jpg
Невйорктики нөл нуқта. 2011-Йили 11-сентәбир.
RFA

2011-Йили 11-сентәбир йәкшәнбә, нюйорк вақти әтигән саәт 8дин 46 минут өткәндә йәни 10 йил аввал террористлар тәрипидин қачурулған айропиланниң биринчиси дәл дуня сода мәркизигә урулған шу минутлар әслинип, һаят билән мамат чеграсида тохтап қалған роһлар хатирилинип йеник қоңғурақ урулди. Террорлуқ һуҗумда зиянкәшликкә учриған 2983 адәмниң исимлири бирму бир оқуп өтүлди.

Америка қошма штатлири президенти барак обама, вә ханими билән һәмдә йәнә америка қошма штатлири сабиқ президенти җорҗи буш вә ханими тәң невйоркта,террористлар тәрипидин қачурулған айропилан соқулуп уч миңларчә бигунаһ инсан билән тәң йоқ қилинған дуня сода мәркизи бинасиниң орниға ясиливатқан 11-сентәбир дөләт музейида, шу қетимлиқ террорлуқ һуҗуми қурбанлириниң аилә тавабиатлири билән бир бирләп қучақлишип көрүшүп чоңқур һал сориди.
Президент барак обама тәзийә нутиқида, пучиланған йүрәкләргә тәсәлли берип инҗилдин парә кәлтүрди.

11-Сентәбир террорлуқ һуҗумиға он йил нишанланған бу күндә зиянкәшликкә учриғучиларниң аилә тавабиатлири, тәзийә билдүргүчиләр, ахбаратчилар,зиярәтчиләргә лиқ толған нөл нуқтида бир уйғур ана һәмраһлири билән тәң онинчи нөвәт охшаш җайда охшаш вақитта охшаш һессиятта бу террорлуқ һуҗуминиң биваситә қурбанлири ичидики бирдин бир уйғур қизи болған гөһәрни әсләп йәнә көз яш қилди, пәридә аниниң 10 йиллиқ йүрәк яриси йәнә қаниди.

Һаят бир дәрс, һәр инсанниң һаятқа бәргән баһаси охшимайду, пәридә аниға охшаш қара чачлиқ пәрзәнтини узатқан ақ чачлар үчүн һаят бир сәбир һаят у үмид.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт