ئابدۇكېرىم ئابدۇۋەلى قارىنى قۇتقۇزۇش خەلقئارا سەپەرۋەرلىكى باشلاتتى
2012.10.15

ئابدۇكېرىم ئابدۇۋەلى 2002 -يىلى 16-نويابىردا 12 يىللىق قاماققا ھۆكۈم قىلغان ئىدى.
خىتاي تۈرمىسىدە جازا مۇددىتى تەكرار-تەكرار ئۇزىتىلىۋاتقان ئابدۇكېرىم ئابدۇۋەلىنىڭ قىسمەتلىرى دەلىل-ئىسپاتلىرى بىلەن دۇنياغا ئاشكارىلانغاندىن كېيىن، ئۇنىڭ ھەق-ھوقۇقلىرى ئۈستىدە خالىس دەۋا قىلىش ئۇيغۇر پائالىيەتچىلىرىنىڭ دائىملىق خىزمەتلىرى قاتارىدىن ئورۇن ئالغان ئىدى.
«ئەركىن ئاسىيا رادىئوسى»، «ئىستىقلال» تېلېۋىزىيىسى، «ئازادلىق» تورى، ئۇيغۇر ئامېرىكا جەمئىيىتى تورى، «ئۇيغۇر ئاۋازى» تورى، قاتارلىق ئورۇنلارنىڭ ئىزچىل تەشۋىق قىلىشلىرى نەتىجىسىدە ئابدۇكېرىم ئابدۇۋەلىنىڭ ئائىلىسى ئۇنىڭ بىلەن كۆرۈشۈۋېلىش پۇرسىتىنى قازانغان ئىدى.
بۇ خىل پائالىيەتلىرىنىڭ ئۈنۈمىدىن ئىلھاملىنىپ ئۇنى قۇتقۇزۇش ھەرىكىتىگە ئاتلانغان« يوتۇبە»، «فەيسبۇك»،« تۋتتر» قاتارلىق تورلاردىكى تەشۋىقات خىزمىتىدە ئەجىر قىلىۋاتقان ئاكتىپ ئۇيغۇرلار ۋە كوللېكتىپلارنىڭ بارغانسېرى كۆپىيىشى خەلقئارالىق تەسىر قوزغاشقا باشلىدى.
تور دۇنياسىدىكى ئۇچۇرلارغا ئاساسلانغاندا: «خەلقئارا كەچۈرۈم تەشكىلاتى» مەزكۇر چاقىرىقنى كۈچەيتىپ، مەھبۇس ئابدۇكېرىم ئابدۇۋەلىنى قۇتقۇزۇش سەپەرۋەرلىكى باشلاتقان.
شۇ مۇناسىۋەت بىلەن بۇ ئىشقا ھەسسىدارلىق كۆرسەتكەن گوللاندىيىدىكى دىنىي زىيالىي ھۈسەيىن تەجەللى ئەپەندىنى زىيارەت قىلدۇق.
تەپسىلاتىنى يۇقىرىدىكى ئاۋاز ئۇلىنىشىدىن ئاڭلىغايسىز.