Norwégiye Uyghur komitéti échilghusi qurultay üchün seperwerlik yighini chaqirdi

Yighinda aldi bilen teshkilat bashliqi perhat yaqup ependi yighin qatnashquchilirigha d u q ning 4-nöwetlik wekiller qurultiyini chaqirish heqqidiki bayannamisini oqup ötti. Andin kéyin qurultaygha qatnishishning shertlirini otturigha qoyup, yighin'gha qatnishishqa salahiyiti toshidighan namzatlarning ismini oqup ötti we bashqilarning bulargha qarita bergen telep-pikirlirini anglap ötti.

RFA/Aygul yusup

Dunya Uyghur qurultiyining norwégiyide turushluq mu'awin re'isi semet abla ependi 5-ayda chaqirilmaqchi bolghan 4-qétimliq qurultaygha her qaysi döletlerdin baridighan wekillerning sani, salahiyiti, yighin'gha kétidighan omumi chiqim we her qaysi yerlik teshkilatlarning yighin'gha tapshurushi kérek bolghan pulning miqdari we uni qandaq hel qilishning usul-chariliri heqqide sözlep ötti. Semet abla ependining sözidin kéyin yighin qatnashchiliri iqtisad mesilisini hel qilishqa yardimi bolidighan tedbirler heqqide munaziriliship bu heqtiki özlirining muwapiq teklip-pikirlirini otturigha qoydi.

Dunya Uyghur qurultiyining 4-qétimliq yighini üchün mexsus chaqirilghan bu qétimqi seperwerlik yighinda yighin ehlining bir qatar muhim bolghan pikir-qarashliri otturigha qoyulghandin bashqa,yighin'gha qatnishalmighan, teshkilatning bashqa sheherliride turushluq rehberlirigimu téléfon qilinip, ulargha mezkur yighinning mezmuni neq meydanda yetküzülgen we ularning pikirlirigimu alahide yer bérilgen.