Америка авам палатасиниң ш т ислам һәрикитини террор тизимликидин чиқириветиш тәклипи һәққидики инкаслар

Сәйшәнбә күни америка авам палатаси ташқи ишлар комитетиниң қармиқидики бир тармақ комитит йиғин чақирип, америкиниң 2002 - йили қарар мақуллап шәрқий түркистан ислам һәрикитини хитайниң бәргән мәлуматиға асаслинип турупла террор тәшкилати тизимликигә киргүзгәнликини әйибләп буниң түзитилиши керәкликини оттуриға қойған иди.
Мухбиримиз ирадә
2009-06-19
Share
Palata-Ezaliri-Uyghurni-qollaydu-305 Сүрәт, америка авам палата әзалиридин дана рохрабачер вә виллийам делахант әпәндиләр TV қанилиMSNBC ниң зийаритини қобул қилип, гуантанамодики уйғурлар вә уйғур мәсилиси һәққидә йәнә гувалиқ бериш йиғинлирини чақирмақчи икәнлигини ипадилигән көрүнүш.
www.youtube.com Дин елинди.

2002 - Йили буш һөкүмити қарар чиқирип Шәрқий түркистан ислам һәрикитини Террорчи тәшкилатлар тизимликигә киргүзгән иди.

Аридин 7 йил өткәндин кейин болса һәм гүәнтанамодики балиларниң бир қисми әркинликигә еришти, һәм шәрқий түркистан ислам һәрикитиниң террорчи тәшкилатлар тизимликигә елинғанлиқи тәнқид қилинип, америка авам палатасида буни террор тизимликидин чиқириветиш һәққидики пикир - тәклипләр оттуриға қоюлушқа башлиди.

Ундақта бу тәшкилатниң террор тәшкилати дәп елан қилиниши уйғурларға қандақ тәсир көрсәтти? бүгүнгә кәлгәндә , бу тәшкилатниң террор тизимликигә киргүзүлүшиниң хата икәнликиниң талаш - тартиш қилиниши неминиң ипадиси? биз бу суалларға җаваб тепиш үчүн мунасивәтлик кишиләр билән сөһбәт елип бардуқ.

Зияритимиз алди билән түркийидә яшаватқан уйғур паалийәтчиси абдуләзиз әпәнди билән болди. Андин кейин, түркийә һаҗәттәпә университети оқутқучиси доктор әркин әкрәм әпәнди билән телефон зиярити елип бардуқ.

Зияритимизни қобул қилған доктор әркин әкрәм әпәнди америка авам палатасида бундақ бир пекирниң оттуриға қоюлушиниң уйғурлар үчүн иҗабий бир тәрәққият икәнликини ейтти, шундақла, бундин кейин уйғурларниң миллий һәрикитигә асанлиқчә терорчи қалпиқи кийдүрүлмәйдиғанлиқини текитлиди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт