د ئۇ ق ۋەكىلى ب د ت كىشىلىك ھوقۇق كېڭىشىنىڭ 14 - نۆۋەتلىك يىغىنىغا قاتناشتى

ب د ت كىشىلىك ھوقۇق كېڭىشىنىڭ 14 - نۆۋەتلىك يىغىنى 5 - ئاينىڭ 31 - كۈنى جەنۋەدە باشلانغان بولۇپ، 6 - ئاينىڭ 14 - كۈنىدىن باشلاپ ئۇيغۇرلارغا ۋەكالىتەن بۇ قېتىمقى يىغىنغا قاتنىشىۋاتقان د ئۇ ق باش كاتىپى دولقۇن ئەيسا ئەپەندى بۇ مۇناسىۋەت بىلەن تېلېفۇن زىيارىتىمىزنى قوبۇل قىلىپ، يىغىننىڭ ئاساسى مەزمۇنى توغرىلىق مەلۇمات بەردى.
ﻣﯘﺧﺒﯩﺮﯨﻤﯩﺰ ﺋﻪﻛﺮﻩﻡ
2010.06.15
UNPO-yighinida-Dolqun-Eysa-305.jpg ﺳﯜﺭﻩﺗﺘﻪ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﺵ ﻛﺎﺗﯩﭙﻰ ﺩﻭﻟﻘﯘﻥ ﺋﻪﻳﺴﺎ ﺋﻪﭘﻪﻧﺪﻯ ﺑﯘ ﻗﯧﺘﯩﻤﻘﻰ ﯞﺍﻛﺎﻟﻪﺗﺴﯩﺰ ﻣﯩﻠﻠﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺋﯩﺘﺎﻟﯩﻴﯩﺪﻩ ﺋﯚﺗﻜﯜﺯﯛﻟﯜﯞﺍﺗﻘﺎﻥ ﻗﯘﺭﯗﻟﺘﯩﻴﯩﺪﺍ.
RFA Photo / Eqide
u0615-ekrem
ﺋﺎﯕﻼﺵ ﺋﺎﯞﺍﺯﻧﻰ ﻛﯚﭼﯜﺭﯛﺵ

دولقۇن ئەيسا ئەپەندى، د ئۇ ق نىڭ يىللاردىن بۇيان ب د ت كىشىلىك ھوقۇق كېڭىشى يىغىنىغا جىددىي كۆڭۈل بۆلۈۋاتقانلىقىنى تىلغا ئالدى. د ئۇ ق ۋەكىللىرى بىر قانچە ئايدىن بۇيان بۇ يىغىننىڭ تەييارلىق خىزمەتلىرىنى ئەستايىدىل قانات يايدۇرغان بولۇپ، كۆپلىگەن دۆلەتلەر ۋە خەلقئارالىق تەشكىلاتلارنىڭ ۋەكىللىرى بىلەن ئۇچرىشىشلار ئۆتكۈزگەن.

دولقۇن ئەيسا ئەپەندىنىڭ بىلدۈرۈشىچە، ب د ت كىشىلىك ھوقۇق كېڭىشىنىڭ 14 - نۆۋەتلىك يىغىنى باشلىنىپ ھازىرغا قەدەر ئالتە خەلقئارالىق تەشكىلات ۋە بىر قانچە غەرب ئەللىرى ئۇيغۇرلار مەسىلىسىنى ئوتتۇرىغا قويغان بولۇپ، خىتاي ھۆكۈمىتى بۇنىڭدىن قاتتىق نارازى ھەم بىئارام بولغان.
 
دولقۇن ئەيسا ئەپەندى 6 - ئاينىڭ 14 - كۈنى، ب د ت كىشىلىك ھوقۇق كېڭىشى تەرىپىدىن ئۇيۇشتۇرۇلغان "ئۆز تەقدىرىنى ئۆزى بەلگىلەش پرىنسىپى ئاستىدىكى كىشىلىك ھوقۇق مەسىلىسى" ناملىق يىغىندا دوكلات بېرىپ ئۆتكەن. ئۇ سۆزىنىڭ ئاخىرىدا، ب د ت كىشىلىك ھوقۇق كېڭىشى 14 - نۆۋەتلىك يىغىنىنىڭ، ئۇيغۇرلار مەسىلىسى دىققەتنى تارتقان بىر يىغىن بولغانلىقىنى تەكىتلىدى.

يۇقىرىدىكى ئاۋاز ئۇلىنىشىدىن، بۇ ھەقتىكى مەلۇماتىمىزنىڭ تەپسىلاتىنى ئاڭلايسىلەر.

 
ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
تەپسىلى خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.