Bingtu'en 663 neper saqchi we gundipay qobul qilidighanliqi heqqide élan chiqardi

 Xewerde, bu, bingtu'enning xizmetchi qobul qilish jehette bösüsh xaraktérlik bir qedem basqanliqi, déyilgen we bingtu'enning yerlik milletlerdin 63 neper saqchi we gundipay élishigha toluq kapaletlik qilishi lazimliqi tekitlen'gen. Bu ish 5 ‏- ayning 1 ‏- künidin 11 ‏- künigiche dawam qilidiken.

Bingtu'en ehwalini yaxshi bilidighan, hazir amérikida turuwatqan ilshat ependining qarishiche, bingtu'en 'jungxu'a xelq jumhuriyitining asasiy qanuni'da orni bikitilmigen bir qanunsiz teshkilat. Bu qanunsiz teshkilat buningdin burun özini yerliktin ayrip turatti, hazir ularning bundaq perqni buzup tashlap, özige yerliktinmu saqchi, gundipay qobul qilmaqchi bolghanliqi‏, bingtu'en türmilirige qanunsiz tashlan'ghan Uyghur mehbuslarning sani köpiyip ketkenlikining we hazir xelq'arada téz ewj éliwatqan tibet, Uyghur herikitige taqabil turushning éhtiyaji bolushi mumkin.

Ilshat ependi pütün Uyghurlardin xitayning Uyghurlarni basturush üchün qandaq yéngi tedbir qollinishqa teyyarlan'ghanliqini hushyarliq bilen közitip, uninggha ünümlük taqabil turushni telep qildi.

Dunya Uyghur qurultéyining bayanatchisi dilshat rishit ependining tehlil qilishiche, bingtu'enning yerlik milletlerdinmu saqchi we gundipaylarni köpeytmekchi bolghanliqi kommunist partiye merkizi hökümitining buyruqi buyiche bolghan ish, shundaqla bu, xitay hökümitining özining Uyghurlarni basturghanliqini xelq'aradin yoshurush üchün qolliniwatqan tedbiri.