'Диярим' ториниң қурғучиси дилшат пәрһатниң сотлиниш әһвали

Хитай даирилири бу йил 7 ‏- айда "диярим" ториниң қурғучиси дилшат пәрһат үстидин йепиқ сот ечип, уни 5 йиллиқ қамақ җазасиға һөкүм қилған иди. Дилшат пәрһат үрүмчи шәһәрлик оттура сот мәһкимиси тәрипидин ечилған сотта, "бөлгүнчилик" вә чәтәлдики тәшкилатлар билән бирлишип, "топилаңчилар" ға ярдәм қилиш җинайити билән әйибләнгән.
Мухбиримиз әркин
2010-09-15
Елхәт
Пикир
Share
Принт
Сүрәт, дийарим ториниң қурғучиси дилшат пәрһат әпәндиниң 2005 - йили www.youku.com Ни зийарәт қилғандики сүрити.
Сүрәт, дийарим ториниң қурғучиси дилшат пәрһат әпәндиниң 2005 - йили www.youku.com Ни зийарәт қилғандики сүрити.
Рәсимни дилмурат пәрһат әпәнди пәминлигән.

Игилишимизчә дилшат пәрһат сотта тәптиш даирилириниң әйиблишини рәт қилип, гунаһсиз икәнликидә чиң турған болсиму, лекин 5 йиллиқ қамақ җазасиға нарази болуп, юқири дәриҗилик сот мәһкимисигә әрз қилиштин ваз кәчкән. Униң юқири дәриҗилик сот мәһкимилиригә әрз қилиштин ваз кечиши һәр хил пәрәзләргә сәвәбчи болди.

Дилшат пәрһат "5 ‏- июл вәқәси" дин кейин қолға елинған болуп, униң делоси хәлқара җәмийәт диққәт қилидиған мәсилиләрниң бири болуп қалған иди.

Бу мунасивәт билән дилшат пәрһатниң әнглийиниң лондон шәһридә яшайдиған акиси дилмурат пәрһат зияритимизни қобул қилип, инисиниң йеқинқи әһвали вә әрз қилиштин ваз кечишидики сәвәбләр һәққидә тохталди.

Юқиридики аваз улинишидин, дилмурат әпәнди билән елип барған бу һәқтики сөһбитимизниң тәпсилатини аңлайсиләр.

Пикирләр (0)
Share
Толуқ бәт