'Diyarim' torining qurghuchisi dilshat perhatning sotlinish ehwali

Xitay da'iriliri bu yil 7 ‏- ayda "diyarim" torining qurghuchisi dilshat perhat üstidin yépiq sot échip, uni 5 yilliq qamaq jazasigha höküm qilghan idi. Dilshat perhat ürümchi sheherlik ottura sot mehkimisi teripidin échilghan sotta, "bölgünchilik" we chet'eldiki teshkilatlar bilen birliship, "topilangchilar" gha yardem qilish jinayiti bilen eyiblen'gen.
Muxbirimiz erkin
2010-09-15
Élxet
Pikir
Share
Print
Süret, diyarim torining qurghuchisi dilshat perhat ependining 2005 - yili www.youku.com Ni ziyaret qilghandiki süriti.
Süret, diyarim torining qurghuchisi dilshat perhat ependining 2005 - yili www.youku.com Ni ziyaret qilghandiki süriti.
Resimni dilmurat perhat ependi peminligen.

Igilishimizche dilshat perhat sotta teptish da'irilirining eyiblishini ret qilip, gunahsiz ikenlikide ching turghan bolsimu, lékin 5 yilliq qamaq jazasigha narazi bolup, yuqiri derijilik sot mehkimisige erz qilishtin waz kechken. Uning yuqiri derijilik sot mehkimilirige erz qilishtin waz kéchishi her xil perezlerge sewebchi boldi.

Dilshat perhat "5 ‏- iyul weqesi" din kéyin qolgha élin'ghan bolup, uning délosi xelq'ara jem'iyet diqqet qilidighan mesililerning biri bolup qalghan idi.

Bu munasiwet bilen dilshat perhatning en'gliyining london shehride yashaydighan akisi dilmurat perhat ziyaritimizni qobul qilip, inisining yéqinqi ehwali we erz qilishtin waz kéchishidiki sewebler heqqide toxtaldi.

Yuqiridiki awaz ulinishidin, dilmurat ependi bilen élip barghan bu heqtiki söhbitimizning tepsilatini anglaysiler.

Toluq bet