Д у қ түркийидики партийә вә тәшкилатлардин ярдәм тәләп қилди

Дуня уйғур қурултийи 5 - июл үрүмчи қирғинчилиқиниң 1 - йиллиқини хатириләш үчүн 12 дөләттики 20 шәһәрдә 27 түрлүк паалийәт өткүзүш үчүн тәйярлиқ қилмақта. Болупму түркийидики шәрқий түркистан аммивий тәшкилатлири д у қ ниң йолйоруқи бойичә, түркийидики әң чоң аммивий тәшкилатларни, һәр қайси сиясий партийиләрни, парламент әзалирини айрим - айрим зиярәт қилип улардин ярдәм тәләп қилмақта.
Мухбиримиз әркин тарим
2010-06-24
Share
duq--bbp-bash-shitabida-sohbette-305 Сүрәт, дунйа уйғур қурултийи муавин рәиси сейит түмтүрк әпәнди вә шәрқий түркистан мәдәнийәт вә һәмкарлиқ җәмийити әнқәрә шөбисиниң мәсули хәйруллаһ әфәндигил әпәндиләр бүйүк бирлик партийиси башлиқи йалчин топчуни зийарәт қиливатқан көрүнүш.
RFA Photo / Erkin Tarim

Дуня уйғур қурултийи муавин рәиси сейит түмтүрк әпәнди вә шәрқий түркистан мәдәнийәт вә һәмкарлиқ җәмийити әнқәрә шөбисиниң мәсули хәйруллаһ әфәндигил әпәндиләрдин тәркип тапқан бир һәйәт 6 - айниң 23 - күни түркийиниң әң чоң аммивий тәшкилатлиридин бири болған каму - сән йәни кадирлар уюшмисиниң башлиқи бирҗан ақйилдиз, саламәтлик хизмәтлиридә ишләватқан ишчилар уюшмиси башлиқи мустафа баш, түркийә метал ишчилири уюшмиси баш секретари пәврул қавлақ вә бүйүк бирлик партийиси башлиқи ялчин топчу қатарлиқ кишиләрни зиярәт қилип улардин ярдәм тәләп қилди. Улар һәйәтни қизғин күтүвелип 5 - июл үрүмчи қирғинчилиқиниң 1 - йиллиқини хатириләш паалийитигә өзлириниң шундақла уюшма әзалириниңму актип қатнишидиғанлиқини, шундақла мадди вә мәнивий җәһәттин ярдәм қилидиғанлиқини ейтти.

Түркийә саламәтлик ишчилири уюшмиси башлиқи мустафа башоғлу 5 - июл үрүмчи қирғинчилиқиниң 1 - йиллиқини хатириләш паалийәтлирини қоллап ‏ - қувәтләйдиғанлиқини аңлитип мундақ деди: "түркийә баш министири бу даваға игә чиқса болатти. Силәр һакимийәт бешидики адаләт вә тәрәққият партийисигә бериңлар, улар бу даваға игә чиқса болиду. 5 - Июлда мән силәргә ярдәм қилимән, қолумдин кәлгәнни қилимән. Мән бурунму хитай әлчиханисиниң алдида намайишқа қатнишип хитай әлчиханисиниң ишикигә қарагүлчәмбирәк қойған идим. Силәрниң 5 - июлни хатириләш үчүн елип барған пүтүн паалийәтлириңларға актип қатнишимиз. Биз һәр заман шәрқий түркистанлиқларниң һәқлиқ давасини қоллап ‏ - қувәтләймиз."
 
Кейин д у қ һәйити түркийә бүйүк бирлик партийиси башлиқи ялчин топчу әпәндини партийә мәркизидики ишханисида зиярәт қилди. Д у қ һәйитини партийә рәһбәрлири қизғин күтүвалди. У шәрқий түркистан давасини қоллайдиғанлиқини аңлитип мундақ деди: "қиммәтлик достлар, шәрқий түркистан мәдәнийәт вә һәмкарлиқ җәмийити башлиқи сейит түмтүрк әпәнди башчилиқидики һәйәтни мәркизимиздә күтүвалғанлиқим үчүн наһайити хошал болдум. Адриатик деңизидин сәддичингичә болған түрк ислам земинида әсирләрдин бери қан төкүлмәктә. Шәрқий түркистанда өткән йили 5 - июлда хитайлар елип барған қирғинчилиқ техи ядимиздин чиққини йоқ. Шәрқий түркистанда хитайлар әсирләрдин бери қан төкүватиду, буни дуня дөләтлири тохтитиши керәк. Партийимиз бурундин тартип шәрқий түркистанлиқларниң һәққаний давасини қоллап ‏ - қуввәтлимәктә. Буниңдин кейинму қоллаймиз. 5 - Июл қирғинчилиқиниң 1 - йиллиқини хатириләш паалийитиңларға актип қатнишимиз вә қоллап ‏- қувәтләймиз."

Д у қ муавин рәиси сейит түмтүрк әпәнди башчилиқидики һәйәтниң түркийидики сиясий партийә вә аммивий тәшкилатлиридин ярдәм тәләп қилиш зиярити ахирлашқандин кейин микрафонимизни сийит түмтүрк әпәндигиму узаттуқ.

Юқиридики аваз улинишидин, бу һәқтики сөһбитимизниң тәпсилатини аңлайсиләр.

 
Пикирләр (1)

Барлиқ пикир - баянларни көрүш.

Anonymous says:
Jun 25, 2010 07:39 AM

salametlik ishchiliri uyushmisi digen soz muwapiq emes.
Sehiye(ishchilar)Uyushmisi digen orunluq.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт