ساقچىلار ئەرشىدىن ئىسرائىلنىڭ دېرىكىنى ئالالمىغاندىن كېيىن، ئۇنىڭ ئورنىغا ئىنىسى ئەنۋەر ئىسرائىلنى تۇتقۇن قىلغان. ھازىر ئۇ، قورغاس ناھىيىسى قوشئېرىق قاماقخانىسىدا گۆرۈدە تۇتۇلماقتا.
ئەگەر خىتاي دائىرىلىرىنىڭ گۇمانى توغرا بولسا، بۇ ئائىلىگە كەلگەن يۇقىرىقى ئاۋارىچىلىق پەقەتلا بىر سەۋەپ تۈپەيلى كېلىپ چىققان بولىدۇ. ئۇ بولسىمۇ، ئەنۋەر ئىسرائىلنىڭ ئاكىسى ئەرشىدىن ئىسرائىلنىڭ كۆزى كۆرگەن بىر ھەقسىزلىقنى، دۇنياغا ئاشكارىلىشى.
ئۇيغۇر تەشكىلاتلىرىنىڭ دوكلاتلىرىدىن مەلۇم بولۇشىچە، ئەرشىدىن ئىسرائىل 1999 - يىلى بۆلگۈنچىلىك بىلەن ئەيىبلىنىپ 6 يىللىق كېسىلگەن ۋە مۇددىتى توشقاندىن كېيىن قويۇۋېتىلگەن. ئەرشىدىن ئىسرائىل 2 - قېتىم خەتەرگە تەۋەككۇل قىلغان.
ئۇيغۇر تەشكىلاتلىرىمۇ ئەرشىدىن ئىسرائىلنىڭ نۆۋەتتىكى ئەھۋالىدىن خەۋەرسىز ئىكەنلىكىنى بىلدۈرمەكتە.
يۇقىرىدىكى ئاۋاز ئۇلىنىشىدىن، گۆرۈگە تۇتۇلغان ئەنۋەر ئىسرائىلنىڭ خانىمى ئاسىيە قۇربانوۋا بىلەن ئېلىپ بارغان سۆھبىتىمىزنىڭ تەپسىلاتىنى ئاڭلايسىلەر.