Gérmaniye Uyghur ayallar komitéti rabiye xanimni kütüwélish munasiwiti bilen söhbet yighini ötküzdi

Gérmaniye Uyghur ayallar komitéti rabiye qadir xanimni qizghin kütüwaldi we rabiye qadir xanimning yétekchilikide gérmaniye Uyghur ayallar komitétining söhbet yighinini uyushturdi.
Muxbirimiz méhriban
2011.02.04
rabiye-germaniye-305.jpg 2009 - Yili 16-öktebir, rabiye qadir xanim gémaniyidiki bir axbarat yighinida söz qilmaqta.
AFP

Gérmaniye Uyghur ayallar komitéti 2011-yili 4-féwral küni, rabiye qadir xanimning yawropadiki 7 dölet ziyaritining axirqi békiti bolghan gérmaniyige yétip kélish munasiwiti bilen, rabiye qadir xanimni kütüwélish sheripige chay ziyapiti ötküzdi shundaqla rabiye qadir xanimning yétekchilikide gérmaniye Uyghur ayallar komitétining söhbet yighinini uyushturdi.

Gérmaniye Uyghur ayallar komitéti 2010-yili 1-ayda qurulghandin buyan, gérmaniyidiki Uyghur jama'itining pa'aliyetliride aktip rol oynap keldi. Bügün gérmaniye jama'iti teripidin orunlashturulghan Uyghur milliy herikitining rehbiri rabiye qadir xanim sheripige ötküzülgen kütüwélish pa'aliyitidimu gérmaniyidiki Uyghur ayallar komitéti teshebbuskar orunda turdi.

 Rabiye qadir xanimni kütüwélish ziyapitige qatnishiwatqan dunya Uyghur qurultiyining bash katipi dolqun eysa ependi radi'omiz ziyaritini qobul qilip, bügünki chay ziyapitidin kéyin, gérmaniyidiki Uyghur ayallar komitéti rabiye qadir xanimning yétekchilikide Uyghur ayallar komitétining söhbet yighinini orunlashturghanliqini bildürdi.

Gérmaniye Uyghur ayallar komitétining re'isi gülnar osman xanim, ziyaritimizni qobul qilip, gérmaniye Uyghur ayallar komitétining rabiye qadir xanimning gérmaniyige yétip kélish munasiwiti bilen orunlashturghan pa'aliyetliri heqqide toxtaldi.

Gülnar xanim gérmaniye ayallar qurultiyining 2010-yili 1-ayda qurulghandin buyanqi xizmetlirini tonushturup, gérmaniye Uyghur ayallar komitétining gérmaniye Uyghur jama'itining pa'aliyetliride türtkilik rol oynawatqanliqini ilgiri sürdi.

Ziyaritimiz axirida gülnar xanim yene, bügünki ayallar söhbet yighinining ehmiyiti heqqide toxtilip, bügünki ayallar söhbet yighinida, rabiye qadir xanimning gérmaniyidiki Uyghur ayallar komitétining xizmetlirini mu'eyyenleshtürüp, gérmaniye ayallirining bundin kéyinki pa'aliyetliri heqqide muhim yolyoruqlarni bergenlikini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.