گېرمانىيىنىڭ گۇئانتانامودىكى بىر قىسىم ئۇيغۇرلارنى قوبۇل قىلىش ئېھتىمالى زور

گېرمانىيە تاشقى ئىشلار مىنىستىرلىكى ئالدىنقى ھەپتە گېرمانىيە ھۆكۈمىتىنىڭ گۇئانتانامودىكى بىر قىسىم تۇتقۇنلارنى قوبۇل قىلىشنى ئويلىشىۋاتقانلىقىنى ئېلان قىلغاندىن كېيىن، گېرمانىيە مەتبۇئاتلىرىدا گۇئانتانامودىكى ئۇيغۇر تۇتقۇنلىرى مەسىلىسى يەنە بىر قېتىم مۇھىم تېمىلارنىڭ بىرىگە ئايلاندى.
ﻣﯘﺧﺒﯩﺮﯨﻤﯩﺰ ئەكرەم
2008-12-30
Share
GuantanamoBay-305 ﮔﯘﻩﻧﺘﺎﻧﺎﻣﻮ ﺗﯜﺭﻣﯩﺴﯩﻨﯩﯔ ﺳﯩﺮﻗﻰ ﻛﯚﺭﯛﻧﯜﺷﻠﯩﺮﯨﺪﯨﻦ ﺑﯩﺮﻯ.
AFP Photo

گېرمانىيىدىكى ھەر قايسى پارتىيە - گۇرۇھلار ۋە كىشىلىك ھوقۇق تەشكىلاتلىرى گېرمانىيە ھۆكۈمىتىنىڭ بۇ قارارىغا نىسبەتەن قوللاش مەيدانىنى ئىپادىلەۋاتقان بولۇپ، د ئۇ ق مۇئاۋىن رەئىسى ئەسقەرجان ئەپەندى بۇ ھەقتە بىزگە ئەتراپلىق مەلۇمات بەردى.

ئۇنىڭ بىلدۈرۈشىچە، د ئۇ ق رەئىسى، ئۇيغۇر مىللىي ھەرىكىتىنىڭ رەھبىرى رابىيە قادىر خانىم باشچىلىقىدىكى قۇرۇلتاي رەھبەرلىرى بۇ جەھەتتە ئۈچ يىلدىن بۇيان كۆپ خىزمەتلەرنى ئىشلىگەن.

ياۋرۇپا پارلامېنتى، ھەر قايسى دۆلەتلەر پارلامېنتلىرى ۋە كىشىلىك ھوقۇق كومىتېتى رەھبەرلىرىگە گۇئانتانامودىكى ئۇيغۇرلارنىڭ قويۇپ بېرىلىشى ئۈچۈن كۆپ قېتىم ئىلتىجالاردا بولغان.

يۇقىرىدىكى ئاۋاز ئۇلىنىشىدىن، گېرمانىيىنىڭ گۇئانتانامودىكى بىر قىسىم ئۇيغۇرلارنى قوبۇل قىلىش مەسىلىسى توغرىلىق ئىختىيارى مۇخبىرىمىز ئەكرەمنىڭ د ئۇ ق مۇئاۋىن رەئىسى ئەسقەرجان بىلەن ئېلىپ بارغان سۆھبەت خاتىرىسىنى ئاڭلايسىلەر.    
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.