Голландийидә лагерлардики уйғурларға көңүл бөлүш алаһидә болмақта
2011.04.07
Сиясий панаһлиқ тилигүчи әкбәрҗан ятақдиши абиң фамилилик бир хитай тәрипидин пичақлинип еғир яриландурулған. 2011-Йили январ.
Өткән қетим йүз бәргән голландийидики мәлум бир мусапирлар лагерида туруватқан әкбәрҗанниң хитай ятақдиши тәрипидин пичақлинип ярилиниш әһвали, сиясий панаһлиқ тилигүчиләрниң вақитлиқ туруш орни болған панаһлиниш лагеридики алақидар тармақларниң уйғурларға көңүл бөлүшигә түрткә болған. Улар уйғурлар билән хитайларни бир ятаққа орунлаштурмаслиқ вә хитайларниң зиянкәшликигә учримаслиқ һәққидә әмәлий тәдбир қоллинипла қалмай, уйғурларға қануний һәқ-һоқуқлар һәққидә сават беришкә әһмийәт бәрмәктә.
Мәлум болушичә, 6-март голландийидики мәлум бир лагерда бу йәрдә туруватқан уйғурлар үчүн алаһидә бир йиғин уюштурулған. Йиғинға мусапирлар ишлириға мәсул хадимлар вә адвокатлар тәклип қилинған болуп, мусапирларниң һазирқи вә кәлгүсидики әһваллириға мунасивәтлик саватлар чүшәндүрүлгән. Мусапир уйғурларму өзлири дуч келиватқан мәсилиләр һәққидә соал қоюп, һәл қилиниш чарилири һәққидә пикир алмаштурған.
Бу һәқтә тәпсилий мәлумат елиш үчүн, йиғин иштиракчилири билән телефон сөһбити елип бардуқ.
Көп көрүлгән хәвәрләр
RFA
- Әркин асия радийоси уйғур бөлүми: хитайниң уйғурлар үстидики шәпқәтсиз һөкүмранлиқиниң зулмәтлирини йерип өткүчи нур
- Әнглийә һөкүмити уйғур қуллуқ әмгики сәвәбидин хитайда ишләнгән күнтахтиларни чәкләйдиғанлиқини елан қилди
- Германийәниң әң чоң химийә санаити ширкити қаттиқ әйибләшләрдин кейин уйғур районидин айрилғанлиқини елан қилди
- Уйғур кишилик һоқуқ қурулуши хәлқаралиқ меһманхана зәнҗирлириниң уйғур районида кеңийиватқанлиқини әйибләп доклат елан қилди
- Хитай һөкүмити америка билән хитай арисидики сода урушиниң ақивитидин қаттиқ әндишә қилмақта