Гүәнтанамодики уйғурлар һәққидә көп мақалә язған язғучи әндй вортиңтон тоғрисида

Әнгилийилик мустәқил язғучи әндй вортиңтон, гүәнтанамо һөҗҗәтлири намлиқ китабниң аптори. У йәнә гүәнтанамодики уйғурлар һәққидә бир қәдәр көп мақалә елан қилип уйғурлар мәсилисини тонуштуруп келиватқан язғучиларниң бири.
Мухбиримиз җүмә
2009-11-04
Елхәт
Пикир
Share
Принт
Әндй вортиңтон Andy Worthington әнглийилик мустәқил йазғучи болуп, у "гуантанамо һөҗҗәтлири: америкиниң қанунсиз түрмисидики 474 мәһбусниң һекайиси" намлиқ китабниң аптори.
Әндй вортиңтон Andy Worthington әнглийилик мустәқил йазғучи болуп, у "гуантанамо һөҗҗәтлири: америкиниң қанунсиз түрмисидики 474 мәһбусниң һекайиси" намлиқ китабниң аптори.
www.andyworthington.co.uk Дин елинди.

Әндй вортиңтон гүәнтанамо мәһбуслири җүмлидин гүәнтанамоға қамалған уйғурлар һәққидә һәр хил мақалиләрни йезип уларниң әһвални хәлқара җамаәткә билдүрүшкә тиришип келиватқан мустәқил язғучиларниң бири. У 4 - ноябир кәчқурун өзи илгири язған гүәнтанамо һөҗҗәтлири: "америкиниң қанунсиз түрмисигә қамалған 774 тутқунниң һекайиси" намлиқ китаби һәққидә сөзләш һәмдә йеқинда әнгилийилик кино режиссори поллй нәш билән бирликтә ишләп чиққан "қанунниң сиртида: гүәнтанамо һекайилири" намлиқ һөҗҗәтлик филимни көрситиш үчүн америкиға йетип кәлди.

Әндй вортиңтонниң гүәнтанамо һәққидә язған тунҗи китаби: "гүәнтанамо һөҗҗәтлири: америкиниң қанунсиз түрмисигә қамалған 774 тутқунниң һекайиси" 2007 - йили өктәбирдә полту нәшрияти тәрипидин нәшр қилинған.

Униң мәзкур китабида гүәнтанамоға қамалған уйғурлар һәққидиму бир қисим мәлуматлар оттуриға қоюлған. У китабида, гүәнтанамоға қамалған һәр бир мәһбус һәққидә айрим ‏ - айрим дегүдәк тохталған болуп, у әйни вақитта мәзкур түрмигә қамалған 22 нәпәр уйғур мәһбуслар һәққидиму шу шәклидә мәлумат бәргән.

Әндй вортиңтон 4 - ноябир кәчқурун нюйоркқа җайлашқан инқилаб китабханисида "гүәнтанамо һөҗҗәтлири" намлиқ китаби һәққидә нутуқ сөзләйду.

У йәнә, пәйшәнбә күни нюйорк шәһиридики нюйорк қанун институти қанун мәркизидә " қанунниң сиртида: гүәнтанамо һекайилири" намлиқ һөҗҗәтлик филимни көрситиду вә филим һәққидики муназиригә қатнишиду.

Әндй вортиңтон 8 - вә 9 - ноябир америка пайтәхти вашингтон вә фәйрфәкс районлиридики бир қисим орунларда һөҗҗәтлик филимини көрситиш паалийити билән шуғуллиниду.

2006 - Йили 5 нәпәр уйғур албанийигә қоюп берилгәндин кейин, әндй вортиңтон уйғурлар һәққидә айрим мақалиләрни елан қилишқа башлиди.

Униң тор бетидә берилгән мәлуматларға қариғанда, әндй вортиңтон шундин кейин гүәнтанамодики уйғурлар һәққидә яки шуларға аит елан қилған мақалә вә мулаһизиләр 62 парчиға йетиду.

Буларниң ичидә " гүәнтанамодики уйғурларға әркинлик" , " дуня хитай уйғурлар үстидин елип бериватқан қирғинчилиқини көрмәскә салдиму" , " обамаға йеңи йиллиқ мәктуп: гүәнтанамо уйғурлириға һөрлүк берилсун" , " гүәнтанамо һөҗҗәтлири: тордики толуқлима баб: пакистанға қечиш" вә " абабәкри қасимниң президент обамаға йоллиған мәктупи" қатарлиқлар бир қәдәр көрүнәрлик.

Аптор йәнә, гүәнтанамо уйғурлириниң сот қилиниш әһвали вә бу җәһәттики оз көз қарашлирини обзор шәклидиму елан қилип кәлди.

Аптор әндй вортиңтон бүгүн йәни 4 - ноябир "палавға қоюп берилгән уйғурлар кимләр" дегән темидә бир парчә мақалә елан қилди. Униң бу мақалисидә булар һәққидә һазирғичә көп оттуриға қоюлмиған бәзи йеңи учурларни оттуриға қойған.

Биз бу һәқтә апторниң көз қарашлири вә һазир палавда яшаватқан уйғурларниң бу һәқтики өзиниң баянлирини аңлитишқа тиришимиз.

Пикирләр (0)
Share
Толуқ бәт