گۇئانتانامو تۈرمىسىدە يېزىلغان بىر پارچە شېئىر 'مۇزلىدى'

ﺳﯜﺭﻩﺕ، ﭘﺎﻻﯞﺩﯨﻜﻰ ﺋﯘﻳﻐﯘﺭﻻﺭﺩﯨﻦ ﺋﺎﺩﯨﻞ ﻧﯘﺭﻯ ﺋﻪﭘﻪﻧﺪﯨﻨﯩﯔ ﻳﯧﻘﯩﻨﻘﻰ ﺳﯜﺭﻩﺗﻠﯩﺮﯨﺪﯨﻦ ﺑﯩﺮﻯ.

ئۇلار ئامېرىكا ئەسكەرلىرىگە ئەسىرگە چۈشكەن چېغىدا، ئۆزلىرىنىڭ ئامېرىكا بىلەن ھېچقانداق ماجىراسى بولمىغانلىقى، بولۇپمۇ ئامېرىكا ئىنسان ھەقلىرى مەسىلىسىنى قاتتىق تەكىتلەپ كېلىۋاتقانلىقى ئۈچۈن، ئامېرىكىدىن ئۆزلىرىگە چوڭ زىيان كەلمەيدىغانلىقىنى تەخمىن قىلغان.

ئەمما دۇنيانىڭ قەيىرىدە بولسا بولسۇن، تۈرمە تۈرمىدۇر؛ ئۇلارنىڭ تۈرمىدىكى بىر قىسىم كەچۈرمىشلىرى، بولۇپمۇ گۇناھسىز دەپ ئېلان قىلىنغاندىن كېيىنمۇ داۋاملىق قامىلىپ تۇرۇشى، ئۇلارنى ئامېرىكا ئادالىتىدىن ئۈمىدسىزلەندۈرگەن.

ئۆزىنىڭ ئامېرىكا تەسىراتى ھەققىدە توختالغان ئادىل نۇرى مۇنداق دەيدۇ: "بىز ئالدى بىلەن ئىنسان، شۇڭا ھەقسىزلىققا  ئۇچرىغان ۋاقتىمىزدا غەزەپلىنىمىز، ئەتىۋارلانغان چېغىمىزدا ، ئادالەتنىڭ نۇرىنى كۆرگەن چېغىمىزدا خۇش بولىمىز."

ئادىل نۇرى تۈرمىدىكى چېغىدا مۇزلىدى ناملىق بىر پارچە شېئىرنى يازغان.

ئامېرىكا، گۇئانتانامو تۈرمىسىدىكى ئۇيغۇرلاردىن ھازىرغا قەدەر 15 نەپىرىنى ئەركىنلىككە قويۇپ بەردى ۋە ئورۇنلاشتۇردى. مەتبۇئات خەۋەرلىرىدە بايان قىلىنىشىچە، 6 نەپەر ئۇيغۇرنىڭ پالاۋغا ئورۇنلىشىش خىراجىتى 8 مىليون دوللار بولغان.

گۇەنتانامودىكى ئۇيغۇرلار 8 يىل بىگۇناھ قامالغىنى ئۈچۈن ئامېرىكا ھۆكۈمىتىدىن نارازى، شۇنىڭ بىلەن بىللە، ئامېرىكا ھۆكۈمىتىنىڭ خىتاينىڭ گۇەنتانامودىكى ئۇيغۇرلارنى قايتۇرۇپ ئەكىتىش تەلىپىنى رەت قىلغىنى ئۈچۈن مەمنۇن. يۇقىرىدىكى شېئىر ئۇلارنىڭ گۇئانتانامو تۈرمىسىدە ئامېرىكا ئادالىتىدىن ئۈمىدسىزلەنگەن چاغلىرىدىكى ھېسسىياتىنىڭ ئىپادىسىدۇر.

يۇقىرىدىكى ئاۋاز ئۇلىنىشىدىن، بۇ ھەقتىكى مەلۇماتىمىزنىڭ تەپسىلاتىنى ئاڭلايسىلەر.