Hüsen hesen: ikki Uyghur qehriman Uyghurni dunyagha tonutti

Abduraxman azad we qurbanjan hémitlar 2008 - yili béyjing olimpik yighinidin töt kün ilgiri, xitayning qeshqerdiki chégra mudapi'e saqchi etritige hujum qilip, 17 saqchini öltürüp, 15 saqchini yarilandurghan idi. Dunyaning közi xitaygha tikilgen bir chaghda yüz bergen bu weqe, eyni chaghda gherb axbarat saheside zor ghulghula qozghighan. Bu weqedin kéyinla, 12 - awghust yamanyar weqesi, 27 - awghust qizilbuya weqesi, 29 - awghust misha weqeliri yüz bérip, köp sanda xitay saqchiliri hem puqraliri ölgen idi. Uningdin kéyinki yillarda Uyghur diyarida bu ikki pida'iyning yolini ülge qilghan qarshiliq heriketliri köplep yüz berdi. Chet'eldiki bezi Uyghurlar ene shundin béri bu ikki Uyghur pida'iyni qehrimanliqning ülgisi sanap, her yili ularni eslep, xatirilep kelmekte.

Awstraliyidiki Uyghur ziyaliysi hüsen hesen ependi abduraxman azad we qurbanjan hémittin ibaret bu ikki pida'iyning ish - izlirigha yuqiri baha bérip kéliwatqan shexslerning biridur. U sözide, bu ikki pida'iyning Uyghurlarning rohini, ghururini oyghatqanliqini tilgha aldi.

4 - Awghust semen yoli weqesining töt yilliq xatire künide, bu künni hörmet bilen yad étiwatqan awistraliyidiki Uyghur ziyaliysi hüsen hesen ependining qarashlirini diqqitinglargha sunduq.