Ilham toxtining öyige nezerbend qilin'ghanliqi xelq'ara metbu'atlarda

Musteqil tetqiqatchi ilham toxtining amérika sepiridin tosulup, öyige nezerbend qilin'ghanliqi xelq'ara metbu'atlarning diqqitini tartti.
Muxbirimiz jüme
2013-02-09
Share
ilham-toxti-liksiyedin-burun.jpg Ilham toxti ependi léksiyige kirishtin burun sirtni közetmekte. 2010-Yili 12-iyun béyjingda.
AFP


"Nyu - york waqit géziti" shenbe künidiki xewiride peyshenbe küni radi'omizda xewer qélin'ghan ilham toxtining nöwettiki ehwali heqqidiki xewerdin neqil aldi.

Ilham toxti peyshenbe küni radi'omiz bilen alaqiliship, özining nöwette kéche - kündüzlep nazaret astigha élin'ghanliqini bildürgen.

"Uyghurbiz" torining bashqurghuchiliridin biri mezkur torining charshenbe küni kechte hujumgha uchrighanliqini xewer qilghan idi.

"Nyu - york waqit géziti" radi'omizning yuqiri xewiridin neqil alghan.

Ilham toxti Uyghurlarning qanuniy heq - hoquqlirini qoghdash yolida köp herej tartqan Uyghur ziyaliyliridin biri.

U, 2 - féwral amérikigha kélip tetqiqat qilish üchün yolgha chiqqanda béyjing ayrodromida tosup qilin'ghan we 11 sa'etke yéqin soraq qilip öyige qayturulghan idi.

Ilham toxti ziyaritimizde özining bu ish sewebidin hergiz meyüslenmeydighanliqini, yenila wijdani we milliy burchni ada qilish üchün tirishchanliq körsitidighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet