Istanbuldiki 90 yilliq meshhur kawapxanining qurghuchisi qeshqerdin kelgen Uyghur

Sürette, memet tézchaqin ependi we qérindashliri.

Bu kawapxana buningdin 90 yil burun chong dadisi bilen qeshqerdin türkiyige kelgen bir yash teripidin qurulghan. Bu kawapxana hazir 3 - ewlad memet tézchaqin teripidin bashqurulmaqta.

Mezkur kawapxanining qurulush tarixi töwendikiche:

RFA Photo / Erkin Tarim

1911 - Yili, sherqiy türkistandin bir boway newrisini élip heremge hejige bérish üchün istanbulgha kélidu we bu yerge kélishi bilen pütün pilanliri özgiridu. Boway istanbulda wapat bolidu, newrisi bolsa bu chong sheherde yalghuz  qalidu we rizqini bu yerlerdin tépish üchün istanbulda yashap qélishqa qarar béridu. Bu 14 yashliq muhemmet sirajiddin shuningdin étibaren dölet neshriyatida ishleshke bashlaydu. U kéche kündüz öz aldigha igilik tikleshni oylaytti, emma buning üchün yéterlik puli yoq idi. Shuning bilen u japaliq ishlep bir tiyin, bir tiyindin pul yighip ish bashlash üchün teyyarliq qilidu. 1920 - Yili, muhemmet sirajiddin zehra xanim bilen toy qilidu. Muhemmet sirajeddinning arzusi 9 yildin kéyin emelge éship öz aldigha igilik tikleydu we "turan" namliq kawapxana achidu. Ikki yildin kéyin muhemmet sirajeddinning tunji oghli mustafa tughulidu we uningdin kéyin selim, isma'il we rehime dunyagha kélidu.

1954 - Yili sultan exmet kawapxanisining qurghuchisi muhammet sirajiddin alemdin ötidu. Uning balilirigha qaldurghan eng chong sowghisi lezzetlik yémeklikning siri idi.
    

RFA Photo / Erkin Tarim

Bowisi bilen hejge bérish üchün istanbulgha kélip bowisi wapat bolghandin kéyin, bir kömür dukinida kawapxana échip igilik tikleshke bashlighan muhemmet sirajiddinning wapatidin kéyin 3 oghulgha bu lezzetlik yémeklik sodisini dawamlashturushtin ibaret müshkül wezipe yüklinidu. Shuningdin kéyin 3 oghul pütün küchi bilen ishqa kiriship kétidu.

1965 - Yili chong oghli selim we otturanchi oghli isma'il ependi ishlirini zoraytip sultan exmet meydanidiki diwan yolida 3 qewetlik bir kawapxana achidu. Kéyin 3 - ewlad memet tézchaqin bu réstoranni bashqurushqa bashlaydu.
 
Sultan exmet qiyma göshi kawipini sultan axmette yeysiz we u yerdin ayrilmay turup, kéyin yene kélishning pilanini tüzisiz. Mana mushundaq qilip bu kawapning lezzitini anglighanlar terep - tereptin kélishke bashlaydu, shuningdin bashlap sultan exmet kawabxanisining pütün istanbulda dangqi chiqidu.

Kawabxanigha kirsingiz témigha ashxanining qurghuchisi qeshqerliq Uyghur memet sirajiddin ependi we uning 3 ewlad perzentlirining resimi ésilghan, tamlargha türkiyining eng dangliq naxshichiliri, kino artistliri bu yerde qiyma göshi kawipi yégen waqtida kawapxanini maxtap yézip qaldurghan sözliri, metbu'atlarda ashxanini danglap chiqqan xewerler chaplan'ghan.

Hazir bu kawapxanini ata, oghul we qérindashlar birlikte achmaqta hetta bu yerde ishlewatqanlarmu bu a'ilining bir parchisidek bolup ketken. Ashxanida ishlewatqan bir xadim özining bu yerde 25 yildin béri ishlewatqanliqini éytti.

Biz bu kawap réstorani  heqqide téximu tepsili melumat élish üchün 3 - ewlad xojayin memet sirajiddin tézchaqin bilen söhbet élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.