Тутқун мәһбубә абләш һәққидә толуқлима мәлуматлар

Мәһбубә абләш һәққидә бүгүн аптоном районлуқ аяллар бирләшмисидин вә униң бир қисим достлиридин мәлумат игилидуқ. Мәһбубә абләшниң достлиридин бири бүгүн радиомизға елхәт арқилиқ йәткүзгән мәлуматида, икки айниң алдида уйғур районлуқ дөләт бихәтәрлик хадимлириниң мәһбубәни бирқанчә қетим сорақ қилғанлиқини билдүрди.
Мухбиримиз шөһрәт һошур хәвири
2008-09-08
Елхәт
Пикир
Share
Принт
Мәһбубә абләшниң вақти ениқ болмиған бир парчә сүрити. Бу сүрәтни радио аңлиғучилиримиздин бири радиомизға әвәткән.
Мәһбубә абләшниң вақти ениқ болмиған бир парчә сүрити. Бу сүрәтни радио аңлиғучилиримиздин бири радиомизға әвәткән.
Photo: RFA

 У йәнә, мәһбубәниң сичүәндики йәр тәврәшкә уйғурлардин ианә топлаш мәсилиси вә бейҗиң олимпикиниң бихәтәрлик тәдбирлири һәққидә тор бәтләрдә пикир баян қилғанлиқини билдүрди. Әмма у, мәһбубәниң тор бәттики пикирлириниң хитайниң қанунлириға хилап гәпләр әмәсликини, әксичә, мәһбубәниң тутқун қилинишиниң өзи хитайниң қанунлириға хилап икәнликини әскәртти.

Биз икки күнниң алдида аптоном районлуқ аяллар бирләшмисидин мәһбубә абләш һәққидә мәлумат сориған идуқ. Бирақ, биз бүгүн тәкрар телефон қилғинимизда қанаәтлинәрлик җавабқа еришәлмидуқ.

Мәһбубә абләшни йеқиндин тонуйдиған вә узун мәзгил пикирдаш дост болуп мунасивәт қилип кәлгән йәнә бир инкасчи, өзиниң мәһбубә абләш билән 4 айниң алдида телефонда көрүшкәнликини билдүрди.

Юқиридики аваз улинишидин, бу инкасчи билән мәһбубә абләш һәққидә өткүзгән сөһбитимизниң тәпсилатини аңлайсиләр.

Пикирләр (3)
Share

ipar

Дин istanbul

Kuz yixinden nemlengen zimin digen tarihi romanni anlitixni nime uqun tuhtutp koysiler devam etmenlarni telep kilimen

Nov 13, 2012 07:40 AM

'IPAR

Дин ISTANBUL

men bultur guljiga barganda mehbubenin 3 yil kislip turmide ikenligini birak turmidimu oz iradisini yokatmay mehbuslarga derslerni ogitip mehbuslar arasinda hurmetke irixkinini anlidim I

Nov 13, 2012 07:39 AM

ipar

Дин istanbl

bu mehbube minin yikin dostumti bekmu yahxi okugan gayilik ve qiraylik uygur kizi idi

Nov 13, 2012 07:36 AM

Толуқ бәт