Түркийидики хитай әлчиханисиниң алдида өзигә от қойған мәмәт турсунға ярдәм топлаш долқуни сәпәрвәр қилинди

2008 - Йили 8 - айниң 8 - күни әнқәрәдики хитай әлчиханиси алдида елип берилған намайишта өзиниң хитайға болған наразилиқини ипадиләш, хитайни әйибләш, уйғур хәлқи дуч келиватқан зулумни дуня җамаәтчиликигә йәткүзүш мәқситидә һаятий хәвп - хәтәргә қаримай өзигә от қойған мәмәт турсун әпәнди әнқәрә нумунә дохтурханисида даваланмақта.
Мухбиримиз әркин тарим хәвири
2008.08.14
Share on WhatsApp
Share on WhatsApp
memet-tursun-doxturxanida-305 Мәмәт турсун әпәндиниң әнқәрә нумунә дохтурханисида давалиниватқан көрүнүшлиридин бири. Сүрәттә, шәрқий түркистан мәдәнийәт вә һәмкарлиқ җәмийити әнқәрә шөбә башлиқи хәйрулла әфәндигил әпәнди мәмәт турсун әпәндиниң йенида.
RFA Photo / Erkin Tarim
  2008 - Йили 8 - айниң 8 - күни әнқәрәдики хитай әлчиханиси алдида елип берилған намайишта өзиниң хитайға болған наразилиқини ипадиләш, хитайни әйибләш, уйғур хәлқи дуч келиватқан зулумни дуня җамаәтчиликигә йәткүзүш мәқситидә һаятий хәвп - хәтәргә қаримай өзигә от қойған мәмәт турсун әпәнди әнқәрә нумунә дохтурханисида даваланмақта.

Уни давалаватқан дохтурларниң ейтишичә бәдини еғир дәриҗидә көйгән мәмәт турсун бир мәзгил давалиниши вә дәм елиши керәк икән. Мәмәт турсун әпәндиниң аяли вә үч балиси бар болуп, кичик бир дукандин тапқан пул билән өз турмушини қамдап кәлмәктә. Истанбул зәйтинбурну районида туриватқан мәмәт турсун әпәндиниң бу әһвалини нәзәрдә тутқан шәрқий түркистан мәдәнийәт вә һәмкарлиқ җәмийити униңға ярдәм пули топлаш паалийитини қозғиди. Бу һәқтики уқтуруш бүгүн http://www.gokbayrak.com Тор бетидә елан қилинди.

Тор бетидики еланда мундақ дейилгән:
 
Мәдһийигә лайиқ җасарәт вә пидакарлиқ билән миллитиниң дәрт - пәрядиға тәрҗиман болуш үчүн өзини отқа атқан мәмәт турсунниң еғир күнлиридә ярдәм қилишни халиған, тартқан азабини азрақ болсиму тартишип беришни көңлигә пүккән барлиқ кишиләрни бу чақириққа аваз қошушқа чақиримиз.

Ярдәм қилиш үчүн җәмийитимиз (шәрқий түркистан мәдәнийәт вә һәмкарлиқ җәмийити) билән алақилашсаңлар яки төвәндики банка һесаб номурлириға ярдәм қилмақчи болған пулуңларни әвәтсәңларму болиду:

Һесаб номури:

Түркийә иш банкиси
Қәйсәри шөбә мәркәз
5300 - 3864385 ( Йеңи түркийә лираси )
5300 - 4120585 ( Йиоро )

Биз мәмәт турсунға ярдәм топлаш паалийити һәққидә техиму тәпсили мәлумат елиш үчүн мунасивәтлик кишиләр билән сөһбәт елип бардуқ.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.