Merwayit hapiz: lékim ibrahimning resimliride qedimiy Uyghur ressamliqining rohiy ipadilen'gen

Özbékistandiki Uyghur ressami lékim ibrahimning "Ming bir perishte" namliq resim körgezmisi chéxning paytexti praga shehiride 9- iyul daghdughiliq échilip, 21- iyul ghelibilik ayaghlashti.
Muxbirimiz jüme
2012-07-30
Élxet
Pikir
Share
Print
Özbékistandiki Uyghur ressami lékim ibrahimning "Ming bir perishte" namliq resim körgezmisi. 2012-Yili iyul, chéx.
Özbékistandiki Uyghur ressami lékim ibrahimning "Ming bir perishte" namliq resim körgezmisi. 2012-Yili iyul, chéx.
1001artproject.com

Mezkur körgezmige sen'etkar ötken ikki yérim yil jeryanida sizghan ming parche resim qoyulghan. Körgezmige qoyulghan barliq resimlerning omumiy kölimi 520 kwadrat métir bolup, ressam bu zor tiptiki resim körgezmisini dunyadiki eng chong resim süpitide "Dunya jins dunya rékorti" gha sun'ghan.

"Ming bir perishte" namliq bu resimler topi üstide toxtalghan ressam merwayit hapizning bildürüshiche, lékim ibrahimning resimliride qedimiy ming öy tam resimliridiki bedi'iy özgichilik hazirqi zaman resim uslubida ipadilen'gen.
Bu nöwet körgezmige qoyulghan ming parche resimning her birige ming öy tam resimliridiki budda we perishtiler sizilghan.

Körgezmige 1000 parche resim qoyulghan bolsimu, bu resimler alahide maharet bilen bir-birige chétilghan bolup, bularni öz nöwitide bir parche resim dep qarashqimu bolidiken. Shunglashqa aptor körgezmisige "Ming bir perishte" dep nam qoyghan.

Undaqta bu resimlerning bedi'iylikige qandaq baha bérish mumkin?

Lékim ibrahimning resimlirige baha bérishtin ilgiri uning kimliki we Uyghur ressamliqi heqqide bir-ikki éghiz toxtilip ötüshke toghra kélidu.

Lékim ibrahim kim? lékim ibrahim 1945- yili qazaqistanning almata shehiridiki kichik déhqan Uyghurlar mehelliside dunyagha kelgen. U almatagha jaylashqan gogol namidiki güzel sen'et mektipini tamamlighandin kéyin, 1977- yili özbékistan tiyatir we güzel sen'et institutining resim fakultétida oqughan we kéyin tashkentte yashap qalghan.

Undaqta nöwettiki Uyghur ressamliqigha qandaq baha bérish mumkin? bu heqte gérmaniyidiki talantliq Uyghur ressami merwayit hapiz öz chüshenchilirini otturigha qoydi.

Lékim ibrahimning bedi'iy uslubi heqqide toxtalghan merwayit hapiz: uning resimliride qedimiy Uyghur ressamliqining rohiy ipadilen'gen, dédi.

Melum bolushiche, lékim ibrahim dunyawi shöhret qazan'ghandin kéyin, özbékistanmu uni qedirleshke, uning özbék ressami ikenlikini küchep teshwiq qilishqa bashlighan we uninggha "Özbékistan dölet ressami" unwanini bergen.

Emma, lékim ibrahimning bilen 10 nechche yildin buyan tonushluqi bar merwayit hapiz, lékim ibrahimning sap Uyghur ikenlikini, shunga Uyghurlarning öz ressamigha ige bolushi lazimliqini bildürdi.

Melumatlargha, qarighanda lékim ibrahim yéqinda b d t ma'arip, pen-téxnika we medeniyet jem'iyitining orunlashturushi bilen "Ming bir perishte" resimlirini dunyani aylinip körgezme qilishni bashlaydiken.

Toluq bet