Хитайниң мәсчитләргә дөләт байриқини қадаш сәпәрвәрлики куча үчөстәңдә қаршилиққа дуч кәлди

Уйғур районидики мәсчитләргә хитайниң 5 юлтузлуқ қизил байриқини қадашқа орунлаштурулуши уча наһийисиниң үчөстәң йезисидики диний зат вә җамаәтниң қаршилиқиға дуч кәлгән.
Мухбиримиз шөһрәт һошур
2011.09.02
Boway-mollam-ghemde-305 Сүрәттә, мәлум уйғур бовайлар.Ғәмгә чөмгән бовайлар.
RFA Photo

7 ‏-Айниң 18‏-күни уйғур пидаийлар, хотәндә навағ сақчиханиниң өгзисидики қизил байрақни йиқитип орниға шәрқи түркистан байриқини қадиғандин кейин, хитай һөкүмити уйғур районида қизил байрақниң шан шәрипини көтүрүш сәпәрвәрлики қозғиған. Сәпәрвәрлик бойичә уйғур районидики барлиқ мәсчитләргә хитайниң 5 юлтузлуқ қизил байриқини қадаш орунлаштурулған. Мухбиримизниң бүгүн ақсудики йәрлик даириләрдин игилишичә, мәзкур һәрикәт куча наһийисиниң үчөстәң йезисидики диний зат вә җамаәтниң қаршилиқиға дуч кәлгән. Нәтиҗидә кучадики мәсчитләргә байрақ қадаш сәпәрвәрлик вақтинчә тохтитип қоюлған.

Дуня уйғур қурултийиниң баянатчиси дилшат ришит, түнүгүн радиомизға учур берип, уйғур районида мәсчитләрдә дөләт байриқини қадаш сәпәрвәрлики қозғалғанлиқини, бу җәрянда, куча наһийисиниң үчөстәң йезисида җамаәт арисида наразилиқ пәйда болғанлиқини, қаршилиқ көрсәткәнлики үчүн мәзкур йезида 5 диний затниң тутқун қилинғанлиқини билдүргән иди. Биз бу учурға асасән йәрлик даириләрдин әһвал игилидуқ. Даириләр, 5 диний затниң тутқун қилинғанлиқ вәқәсини рәт қилди; әмма улар уйғур районида нөвәттә мәсчитләргә қизил байрақ қадаш түзүмини йолға қоюватқанлиқини вә бу һәрикәтниң куча наһийисиниң үчөстәң йезисида қаршилиққа дуч кәлгәнликини етирап қилди:

Юқириқи мәлуматлардин қариғанда, мәсчитләргә қизил байрақ қадаш һәрикити қаршилиққа дуч кәлгәнлики үчүн, кучада вақтинчә тохтитип қоюлған. Әмма бу түзүмниң ақсудин башқа вилайәтләрдә йолға қоюлған яки қоюлмиғанлиқи вә бу җайларда қандақ инкас пәйда қилғанлиқи һазирчә мәлум әмәс.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.