Мисирниң сабиқ рәиси мубарәкни ақлайдиған йеңи дәлилләр тепилди

Мисирниң сабиқ рәиси мубарәк билән униң икки оғлиниң ахирқи соти йеқинлишип келиш һарписида, уни ақлайдиған йеңи дәлилләр оттуриға чиққан.
Ихтиярий мухбиримиз өмәрҗан
2011-12-27
Share
husni-mubarek-texittin-chushti-misir-305.jpg Һөсни мубарәк истепа бәргәндин кейин пүтүн мисир хәлқи ғәлибисини тәбриклиди. 2011-Йили 11-феврал.
AFP

Мисирда 30 йил диктаторилиқ билән һакимийәт йүргүзгән сабиқ рәис һөсни мубарәк билән униң җамал вә әла исимлик икки оғлиниң сотлиниш вақти йеқинлашқан болуп, келидиған чаршәнбә күни қарарлаштурулған иди. Бу әснада мубарәкниң адвокатлири сабиқ рәис мубарәкни 25-январ намайишини бастурушниң ахирқи күнлиридики өлтүрүш җинайитидин ақлайдиған йеңи дәлилләрниң оттуриға чиққанлиқини сөзлимәктә.

Лондонда чиқидиған“оттура шәрқ”гезитиниң 2011-йили 26-декабир санида, мисирлиқ язғучи муна мәдкурниң қәлими билән“мубарәкни ақлайдиған дәлилләр”дегән темида бир мақалә елан қилинған болуп, мақалидә мундақ йезилған “сабиқ рәис мубарәк билән униң оғуллири җамал билән әлани сотлаш вақти йетип келиши билән мубарәкни намайишчиларни өлтүрүш җинайитидин ақлайдиған йеңи дәлилләр оттуриға чиққан. Тәбийики, мубарәккә артилған җинайәтләр 25-январ намайишчилирини өлтүрүшкә әмир бәргәнлик җинайитила әмәс. Бәлки һоқуқни өз мәнпәити үчүн қоллиниш, хәлқниң демократик һәқ-һоқуқини аяқ асти қилиш, мисирниң байлиқини бузуп-чечиш вә дөләтниң игилики астидики йәр-земинларни өзигә қаритивелиш қатарлиқ көплигән җинайәтлири болуп, уни ақлайдиған йеңи дәлилләрниң униң җинайәтлириниң һәммисини ақлап кетәлмәйдиғанлиқи ениқтур. Йәнә бу әснада мубарәк олтурған қәсирниң ичидин мисирниң надир асарә-әтиқилири, тарихий вәсиқилири, көп миқдарда алтун вә медаллар, шундақла қорал-ярақлар тепилған. Бу йолсизлиқларни қошқанда униң җинайити йәңгиллимәстин, бәлки еғирлишидиғанлиқи күтүлиду.”

Мубарәкни ақлиғучилар тапқан дәлилләр

Мақалидә йәнә мундақ дәп йезилған: “мубарәкни ақлиғучилар гурупписиниң рәиси адвокат юсра абдуразақниң баянатиға көрә, мубарәкни ақлиғучилар гурупписи уни ақлайдиған йеңи дәлилләрни тапқан. Мәзкур адвокатниң ейтишичә, қаһирә шәһириниң муһәммәд мәһмуд кочиси билән министирлар кеңиши кочисида йүз бәргән ахирқи қанлиқ әһвалда мубарәкниң қоли йоқ икән. Шуниңдәк, сақчи аптомобилида намайишчиларни бастуруп өлтүрүш җинайитини садир қилғанларму мисирлиқ сақчилар болмастин, бәлки мисирниң ичи вә сиртидин тәшкилләнгән суйиқәст гуруппиниң адәмлири икән. Бу җинайәтләрдә ливандики һизибулла гуруһиниң қоли барлиқи сөзлинидикән. Мубарәкниң адвокатлири бу дәвалирини испат қилалиса, мубарәк үчүн кесилидиған җазани йәңгиллитәлиши мумкин.

Алдимиздики дүшәнбә күни кувәйттин 15 кишилик халисанә ақлаш гурупписи қаһирә шәһиригә келиду. Улар чаршәнбә болидиған сотта мубарәкни ақлашқа тиришмақчи икән.”

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт