'Муһәббәтниң 10 шәрти' филиминиң уйғурлар арисидики тәсири

Уйғур миллий һәрикити рәһбири рабийә қадир ханимниң һаяти әкс әттүрүлгән "муһәббәтниң 10 шәрти" намлиқ һөҗҗәтлик филим хитайниң күчлүк қаршилиқиға қаримай, австралийә һәмдә тәйвән кино фестиваллирида қоюлуши билән хәлқаралиқ ахбаратларда зор талаш ‏- тартиш һәм күчлүк тәсир пәйда қилған болсиму, техи нурғун уйғурлар мәзкур филимни көрүш пурситигә игә болалмиған иди.
Мухбиримиз гүлчеһрә
2009-10-28
Share
Rabiye-xanim-Filim-Direktori-Awstiraliye-305.jpg Youtube Дин елинған бу сүрәт, "муһәббәтниң 10 шәрти" намлиқ филиминиң директори җәф дәниалниң мухбирниң зийаритини қобул қиливатқан көрүнүши.
Youtube Дин елинди.

Муһәббәтниң 10 шәрти филими йеқинда youtube ториға қоюлуши билән дуняниң һәр қайси җайлиридики уйғурлар бу филимни көрүшкә муйәссәр болди. Мәзкур филим уйғурларға охшимиған нуқтилардин зор илһам бәхш әткән болуп, бу һәқтә һиҗрәттә яшаватқан бир қанчә уйғур зиялий һәмдә паалийәтчиләр билән пикирләштуқ.

Австиралийилик филим режиссори җек даниял тәрипидин сүрәткә елинип ишләнгән муһәббәтниң 10 шәрти намлиқ, рабийә қадир ханимниң һаяти әкс әттүрүлгән инглиз тилида чүшәндүрүш берилгән һөҗҗәтлик филим, тунҗи болуп, бу йил авғустта австралийә хәлқара кино фестивалида көрситилгәндин буян мувәппәқийәт қазинип, бир қанчә дөләтләрдә кино фестивал һәмдә мәхсус паалийәтләрдә көрситилип мәтбуатларда зор ғулғула, тамашибинларда чоңқур тәсир пәйда қилмақта, болупму йеқинда йәнә, мәзкур филимниң youtube тор бетигә қоюлуши мәзкур филимни көрүшкә тәқәзза болған йәниму көп тамашибинларниң мәзкур филим билән тонушушиға қолайлиқ яратти.

Нөвәттә мәзкур филим һиҗрәттики уйғурлар арисидиму күчлүк тәсир пәйда қилди. Мәзкур һөҗҗәтлик филимда режиссор рабийә қадир ханимниң күндилик аилә, турмуш һәм хизмәт һаятий паалийәтлирини чинлиқ билән әкс әттүрүш үчүн йилларчә вақит сәрп қилип, рабийә қадир вә униң аилисигә әгишип көрүнүш алған болуп, рабийә қадир ханимниң америкида яшаватқан қизи раһилә ханим, мәзкур филимни көргәндин кейин филимниң мувәппәқийитидин һәйран қалғанлиқини һәмдә мәзкур филимниң әң мувәппәқийәтлик тәрипини униңда әкс әттүрүлгән чинлиқ, йәни өз аниси рабийә қадир ханимниң чин һаяти өз аилиси, уйғурларниң һаяти чинлиқи дәп қарайдиғанлиқини билдүрди.

Германийидә яшаватқан уйғур зиялийлардин абдуреһимҗан әпәнди, муһәббәтниң 10 шәрти филиминиң мувәппәқийәтлик тәрипи һәмдә униң уйғурлар вә чәтәллик тамашибинларға охшимиған тәрәпләрдин беридиған тәсирлири һәққидә өз көз қарашлирини оттуриға қойди.

Рабийә қадир ханимниң вашингитондики паалийәтлиридә илгири бир мәзгил ярдәмчи болуп ишлигән, канада уйғур җәмийитиниң рәиси руқийә ханим, муһәббәтниң 10 шәрти филимида өзигә әң тәсир қилған тәрәпниң рабийә қадир ханимдики вәтән муһәббити һәмдә униң қәйсәрлики шундақла филимда әкс әттүрүлгән тиз пүкмәс уйғур роһи икәнликини билдүрди.

Муһәббәтниң 10 шәрти филимини көргүчиләрниң һәр қайси тор бәтләрдә елан қиливатқан пикир һәм обзорлириға қарисақ,  рабийә қадирдин ибарәт бу уйғур аялниң образи вәтән вә милләтниң һәқ ‏- һоқоқини қоғдаш йолидики тартқан җәбри һәм паалийәтлири, муһәббәтниң 10 шәрти филими арқилиқ дуня сәһнисидә йәниму рошәнләшти, шундақла бу филим арқилиқ дуня тамашибинлири алдида уйғурларниң симаси йәниму рошәнләшти дегәндәк баһалар берилмәктә.

Пикирләр (5)

Барлиқ пикир - баянларни көрүш.

Anonymous says:
Oct 29, 2009 04:11 AM

Бу пикирни пәқәт мушу флим үчүнла берәмдуқ йаки

Anonymous says:
Oct 28, 2009 10:15 PM

Салам иләйкум ! нимә үчүн бу пилимни уйғурчиға тәрҗимә қилмайсиләр ?мумкин болса уйғурчиға тәрҗимә қилип қойсаңлар......

Anonymous says:
Oct 28, 2009 09:35 PM

ﯪМал болса филимниң ﯪдирсини йоллап койса . Рәхмәт

Anonymous says:
Oct 29, 2009 06:52 AM

the 10 conditions of love3

http://www.youtube.com/watch?|v=Ee9_3pLKbno&feature=related

http://www.youtube.com/watch?v=WUkRU6bH1NI&feature=player_embedded

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт