Kommunist xitay hakimiyiti olimpik mezgilide qan tökülüshke teyyarliq qiliwatamdu?

 Shinxu'a agéntliqi we" jenubiy sheher géziti" tor bétining xewerlirige asaslan'ghanda, 7‏ - ayning 3‏ - küni kechte sehiye ministirliqi jiddiy uqturush chiqirip béyjing qatarliq musabiqe rayonlirida olimpik mezgilide da'imliq we jiddiy qan ishlitish teleplirige yarisha qan bilen teminleshni kapaletke ige qilishni telep qildi.

Bu hal némidin dérek béridu? dep so'al qoydi muxbir ten ming ependi. Xitay kommunist hökümiti béyjingda zor kölemde qan tökülüshke teyyarliq qiliwatamdu? bu weqe, qan tökülüshning derijisi shu derijide éghir bolsa, her qaysi ölkilerning qan iskilatliridiki zapas qanningmu jiddiy éhtiyajgha yétishmeydighanliqini körsitip béridu.

Adette opératsiye qilishqa ishlitidighan qanmu yétishmise, opératsiye qilishqa tigishlik késellerni olimpiktin kéyin opératsiye qilishqa qaldurup qoyush kérek.
2008‏ - Yili kirgendin bashlapla dunyaning her qaysi jaylirida her xil küchler, her xil ademler xitay kommunistlar hakimiyitining olimpik ötküzüshige "yaq" déyishken idi. Ular xitay kommunistliri toghrisida qandaq oylimisunki yaxshi künlerning yamini deydighan pozitsiyide bolmighan bolsimu biraq, xitay kommunistlirining yoshurunche olimpik mezgilide qan tökülüshke teyyarliq qiliwatqanliqini oylap yételmigen idi.

Muxbir ten ming xewerde mundaq körsetti: bu yil kirgendin bashlap, olimpik murasimini asayishliq ichide ötküzüsh sho'ari astida hökümet bir qatar tedbirlerni otturigha chiqirip, aldinip qalghan kishiler es‏ - hoshini yoqatqan idi. Bügünki künde kishiler bayqap yettiki, béyjingda ötküzülidighan olimpik murasimining tertipliri, démokratik ellerde ötküzülgen olimpik murasimining tertiplirige oxshimayla qalmastin, 1936‏ - yili natséstlar gérmaniyiside ötküzülgen olimpik murasimining tertiplirigimu oxshimaydighan bir qiyapette؛ bu qétim xitay kommunistliri béyjingda ötküzülidighan olimpik murasimini urushqa teyyarliq qilish wehimisi qaplap turghan bir xil keypiyat ichide ötküzüshke teyyarliq qildi.

7‏ - Ayning 20‏ - künidin bashlap, ‏ - dep dawamlashturidu muxbir ten ming, ‏ - memliket buyiche 19 ayrodromda bixeterlik tekshürüsh yolgha qoyuldi. Poyiz istansisi, yer asti poyiz istansisi, qatnash yol éghizlirida qattiq tekshürüsh yolgha qoyuldi. Oqughuchilarni öylirige qayturiwetti, téléwiziye istansilirining neq meydan körsitish teleplirini we tor betlerning ulap körsitish teleplirini ret qildi. Herbiyler we qoralliq saqchi qisimlarni béyjing shehirige yötkep kélip, 3 qedemde bir qoralliq saqchi, 5 qedemde bir pos qoydi. Qoralliq patronlar kochilarni qaplidi. Yuqiriqi tedbirlerge nezer aghdursaq xitay kommunistliri olimpik murasimi ötküzüsh bahanisida, döletni asta - asta urush yoligha élip kirmekchimu ‏ - qandaq?

Xitay kommunistliri qan teyyarlashqa buyruq chüshürüp mesilini téximu éghirlashturuwetti. Bilimizki, 4 ‏ - iyundin kéyin kochigha qoralliq saqchi qisimlar chiqirilmighan, yer tewreshte 100 ming kishi hayatidin ayrilghan sichüende qan élish, qan bérish ishliri yüz bermigen. Hökümetning qan teyyarlashqa chüshürgen buyruqidin qarighanda, az sandiki kishiler arisida qan tökülüshke teyyarliq qiliwatqini yoq, belki, ammiwi xaraktérlik zor kölemde qan tökülüshke teyyarliq qiliwatqanliqi körünüp turuptu.

Bu maqale yézilishtin burun, qan teqdim qilish pa'aliyiti ürümchide bashlinip ketken, xitaylardin emes Uyghurlardin qan élishni ürümchi awwal bashlap bergen emesmidi?