Түркийидә уйғур оқуғучиларға тарқитиливатқан оқуш пули һәр ай үчүн 26 долларға тоғра келиду

Хитай әлчиханисиниң түркийидә оқуватқан уйғур оқуғучиларға оқуш мукапат пули билән оқуш ярдәм пули тарқитиватқанлиқ хәвири түркийидики уйғурлар арисида қаттиқ ғулғула пәйда қилған иди.
Ихтиярий мухбиримиз әркин тарим
2011.12.21
xitay-elchixanisi-uqturush-1-305.jpg Хитай әлчиханисиниң оқуш мукапат пули тоғрисидики уқтуруши. 2011-Йили декабир, түркийә.
RFA/Erkin Tarim

Бу ғулғула техичә давамлашмақта. Хитай әлчиханисиниң тор бетидә елан қилинған бу һәқтики уқтурушта, оқуш мукапат пули билән оқуш ярдәм пули вә уни елишниң шәртлири көрситилгән. Оқуш мукапат пули пүтүн түркийә бойичә 26 уйғур оқуғучиға берилидикән. Нәтиҗиси әла болған бир уйғур оқуғучиға 10 миң сом, нәтиҗиси бәк яхши икки оқуғучиға 8000 сомдин, дәрс нәтиҗиси яхши болған 3 оқуғучиға йилда 6000 сомдин оқуш пули берилидикән. Қалған 20 оқуғучиға 2000 сомдин берилидикән. Иккинчи хили оқуш ярдәм пули болуп, бу икки хилға бөлүнидикән. Буларниң бири адәттики оқуш ярдәм пули вә туғқан йоқлашқа ярдәм бериш пулидин ибарәт. Нормал оқуш пули һәр йили 10 кишигә һәр йили 2500 сомдин берилидикән. Туғқан йоқлаш үчүн һәр йили 5 оқуғучиға 5000 сомдин ярдәм пули берилидиған болуп, икки йил юртиға туғқан йоқлашқа баралмиған оқуғучи болуши шәрт икән. Оқуш ярдәм пули еливатқан оқуғучиларға туғқан йоқлашқа бериш ярдәм пули берилмәйдикән.

xitay-elchixanisi-uqturush-2-385.jpg
Хитай әлчиханисиниң оқуш ярдәм пули тоғрисидики уқтуруши. 2011-Йили декабир, түркийә.
RFA/Erkin Tarim

Хитай әлчиханисиниң тор бетидики уқтурушта, бу икки хил ярдәм пулини елишниң шәртлиригиму йәр берилгән.

Хитай дөлитини сөйидиған, хитай дөлитиниң пүтүнлүкини вә милләтләр иттипақини қоғдайдиған, милләтләр иттипақлиқиға, хитай дөлитиниң пүтүнлүкигә зиян ‏- зәхмәт елип келидиған һечқандақ паалийәткә қатнашмиған болуши, оқуш әһвалини давамлиқ һалда хитай әлчиханисиға доклат қилип турған оқуғучи болуши шәрт.

Хитай дөлити билән түрк дөлити оттурисидики мунасивәтни күчәйтидиған паалийәтләргә қатнашқан болуши керәк.

Уқтурушта йәнә бу пулни шинҗаң уйғур аптоном районлуқ һөкүмәткә вакалитән түркийидә турушлуқ хитай әлчиханисиниң тарқитидиғанлиқи йезилған.

Юқиридикидәк болған тәқдирдә һәр йили җәмий 26 оқуғучи оқуш пули, 15 оқуғучи болса оқуш ярдәм пулиға еришкән болидикән. Хитай әлчиханиси арқилиқ һәр йили уйғур оқуғучиларға тарқитилидиған пул җәмий 20613 доллар икән.

6 Оқуғучиға берилгән оқуш пулини һесабқа алмиғанда һәр йили яхши оқуған 20 оқуғучиға тарқитилидиған пул 2000 сомдин болуп, бу түркийә шәртлиридә бәкла аз пул. Бу айда 26 долларға тоғра келиду. Түркийидә 26 долларға бир вақит тамақ йегили болиду. Хитай һөкүмитиниң бунчивала дағдуға қилип уйғур оқуғучиларға айда 26 доллардин оқуш пули тарқитишидики мәқсити немә? буниң сиясий бир тәрипи барму? уйғур оқуғучилар бу пулни алса боламду?

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.