ئۆمەر ئۇيغۇر ۋەخپى: 'پاكىستاندىكى كەلكۈن ئاپىتىدە ئۇيغۇرلار زىيانغا ئۇچرىمىدى'

پاكىستاندا يۈز بەرگەن كەلكۈن ئاپىتىدە ھازىرغا قەدەر 14 مىليونغا يېقىن كىشى ئوخشىمىغان دەرىجىدە زىيانغا ئۇچرىغان، بۇنىڭ ئىچىدە 1500 دىن ئارتۇق كىشى ئۆلگەن. 722 مىڭ ئائىلىنىڭ ئۆيى خانىۋەيران بولغان.
ﻣﯘﺧﺒﯩﺮﯨﻤﯩﺰ ﺷﻮﻫﺮﻩﺕ ﻫﻮﺷﯘﺭ
2010-08-25
Share
Omer-Uyghur-wexpi-Pakistan-Su-apitide-yardemde-305 ﺳﯜﺭﻩﺕ، ﭘﺎﻛﯩﺴﺘﺎﻧﺪﯨﻜﻰ ﺋﯚﻣﻪﺭ ﺋﯘﻳﻐﯘﺭ ﯞﻩﺧﭙﯩﻨﯩﯔ ﺋﺎﭘﻪﺗﻜﻪ ﺋﯘﭼﺮﯨﻐﺎﻧﻼﺭﻏﺎ ﻳﺎﺭﺩﻩﻡ ﻗﯩﻠﯩﺶ ﭘﺎﺋﺎﻟﯩﻴﯩﺘﯩﺪﯨﻦ ﺑﯩﺮ ﻛﯚﺭﯛﻧﯜﺵ ﺑﻮﻟﯘﭖ، ﺋﯚﻣﻪﺭ ﺋﯘﻳﻐﯘﺭ ﯞﻩﺧﭙﻰ ﺋﺎﻟﺪﯨﻨﻘﻰ 3 ﻛﯜﻥ ﺋﯩﭽﯩﺪﻩ 1300 ﺋﺎﺋﯩﻠﯩﮕﻪ ﻳﯧﻤﻪﻙ - ﺋﯩﭽﻤﻪﻙ ﺗﺎﺭﻗﺎﺗﻘﺎﻥ.
RFA Photo / Shohret Hoshur

تولۇقسىز مەلۇماتلاردىن قارىغاندا، نۆۋەتتە پاكىستاندا 3000 دىن ئارتۇق ئۇيغۇر ياشايدۇ. بۇلار پاكىستانغا ئۆتكەن ئەسىرنىڭ باش ۋە ئوتتۇرىلىرىدا ھىجرەت قىلغان. ئىگىلىشىمىزچە، پاكىستاندىكى ئۇيغۇرلار بۇ قېتىمقى كەلكۈن ئاپىتىنىڭ زىيىنىغا ئۇچرىمىغان.

ئاپەت دەسلەپتە ئاساسلىقى پاكىستاننىڭ غەربىي شىمال قىسمىدىكى يېزىلاردا يۈز بەرگەن، ئارقىدىن جەنۇبىي قىسمىغا كېڭەيگەن. يەرلىك ئاھالىلەردىن ئىگىلىشىمىزچە، ئاپەتكە ئۇچرىغانلارغا نۆۋەتتە جىددىي كېرەك بولۇۋاتقىنى پاكىز سۇ، تائام ، تۇرالغۇ ۋە يېپىنچا بۇيۇملاردۇر.

نۆۋەتتە خەلقئارالىق ياردەم تەشكىلاتلىرى پاكىستاندا جىددىي قۇتقۇزۇش ئېلىپ بارماقتا. ئاپەتكە ئۇچرىغان ئاھالىلەردىن بىرىنىڭ بىلدۈرۈشىچە، پاكىستاندىكى ئۆمەر ئۇيغۇر ۋەخپىمۇ ئاپەتكە ئۇچرىغانلارغا ياردەم قىلىش پائالىيىتى ئېلىپ بارغان.

ئۆمەر ئۇيغۇر ۋەخپى ئالدىنقى 3 كۈن ئىچىدە 1300 ئائىلىگە يېمەك - ئىچمەك تارقاتقان بولۇپ، ۋەخپىنىڭ كاتىپى ئەكبەرجان، بۇ قېتىمقى ياردەم پائالىيىتىنىڭ ئىنسانپەرۋەرلىك تەرىپىدىن باشقا تەرەپلىرىنىمۇ چۈشەندۈرۈپ ئۆتتى.

يۇقىرىدىكى ئاۋاز ئۇلىنىشىدىن، پاكىستاندىكى كەلكۈن ئاپىتى ۋە ئۇ يەردىكى ئۇيغۇرلارنىڭ پائالىيىتى ھەققىدىكى مەلۇماتىمىزنىڭ تەپسىلاتىنى ئاڭلايسىلەر.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت