Өмәр уйғур вәхпи: 'пакистандики кәлкүн апитидә уйғурлар зиянға учримиди'

Пакистанда йүз бәргән кәлкүн апитидә һазирға қәдәр 14 милйонға йеқин киши охшимиған дәриҗидә зиянға учриған, буниң ичидә 1500 дин артуқ киши өлгән. 722 Миң аилиниң өйи ханивәйран болған.
Мухбиримиз шоһрәт һошур
2010-08-25
Share
Omer-Uyghur-wexpi-Pakistan-Su-apitide-yardemde-305 Сүрәт, пакистандики өмәр уйғур вәхпиниң апәткә учриғанларға йардәм қилиш паалийитидин бир көрүнүш болуп, өмәр уйғур вәхпи алдинқи 3 күн ичидә 1300 аилигә йемәк - ичмәк тарқатқан.
RFA Photo / Shohret Hoshur

Толуқсиз мәлуматлардин қариғанда, нөвәттә пакистанда 3000 дин артуқ уйғур яшайду. Булар пакистанға өткән әсирниң баш вә оттурилирида һиҗрәт қилған. Игилишимизчә, пакистандики уйғурлар бу қетимқи кәлкүн апитиниң зийиниға учримиған.

Апәт дәсләптә асаслиқи пакистанниң ғәрбий шимал қисмидики йезиларда йүз бәргән, арқидин җәнубий қисмиға кеңәйгән. Йәрлик аһалиләрдин игилишимизчә, апәткә учриғанларға нөвәттә җиддий керәк болуватқини пакиз су, таам , туралғу вә йепинча буюмлардур.

Нөвәттә хәлқаралиқ ярдәм тәшкилатлири пакистанда җиддий қутқузуш елип бармақта. Апәткә учриған аһалиләрдин бириниң билдүрүшичә, пакистандики өмәр уйғур вәхпиму апәткә учриғанларға ярдәм қилиш паалийити елип барған.

Өмәр уйғур вәхпи алдинқи 3 күн ичидә 1300 аилигә йемәк - ичмәк тарқатқан болуп, вәхпиниң катипи әкбәрҗан, бу қетимқи ярдәм паалийитиниң инсанпәрвәрлик тәрипидин башқа тәрәплириниму чүшәндүрүп өтти.

Юқиридики аваз улинишидин, пакистандики кәлкүн апити вә у йәрдики уйғурларниң паалийити һәққидики мәлуматимизниң тәпсилатини аңлайсиләр.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт