Бир уйғур зиялиси қирғизистан вәзийити һәққидә тохталди

Хәлқара мәтбуатларда, бүгүн 12 - апрел күни қирғизистан вәзийитидә ниспий тинчлиқ вәзийити барлиққа кәлгәнлики хәвәр қилинмақта. Қирғизистанда турушлуқ уйғурлардин азат қасим исимлик уйғур зиялиси истансимиз уйғур бөлүминиң зияритини қобул қилғинида, өзи турушлуқ бишкәк шәһиридә тинчлиқниң асасән әслигә келип, вәзийәтниң вәқә йүз бериштин илгирики нормал һаләткә йеқинлашқанлиқини баян қилди.
Мухбиримиз миһрибан
2010.04.12
Bishkek-kochisini-tazilash-7-aprel-qozghilingidin-keyin-305.jpg Сүрәт, 9 - апрел күни, тазилиқ ишчилиридин бири бишкәк хәлқ мәйданини тазилаватқан көрүнүш болуп, қирғизистан вәзийитидә ниспий тинчлиқ вәзийити барлиққа кәлгән.
AFP Photo
u0412-pmmi.mp3
Аңлаш Авазни көчүрүш

Азат қасим әпәнди сөһбәт җәрянида, қирғизистандики уйғурларниң әһвали һәққидә тохтилип, бу қетимқи вәқәдә уйғурлар ачқан базарларниң еғир зиянға учримиғанлиқи үчүн, бүгүн дуканлар ечилип, уйғур тиҗарәтчилириниң нормал тиҗаритини башлиғанлиқини, бир қисим түркләрниңму дуканлирини ечип тиҗаритини башлиғанлиқини, әмма хитайлар ачқан дуканлар техи тиҗаритини башлимиғанлиқини сөзләп бәрди.

Азат қасим әпәнди йәнә, вақитлиқ һөкүмәтниң вәқәдә өлгәнләрниң аилә тавабиатлири үчүн төләм беридиғанлиқини елан қилғанлиқини, шундақла уйғурларниңму бу қетимлиқ вәқәдә өлгәнләрниң аилә тавабиатлири үчүн, өзликидин ианә топлаш ишлирини елип бериватқанлиқини, һазир сақчиларниң 24 саәт тинчлиқ сақлаш вәзиписини өтәватқанлиқини, омумән шәһәрдә тинчлиқниң әслигә кәлгәнликини сөзләп бәрди.

Юқиридики аваз улинишидин, қирғизистанда турушлуқ уйғур азат қасим билән қирғизистанниң нөвәттики омумий вәзийити һәққидә елип барған сөһбәт хатирисиниң тәпсилатини аңлайсиләр.

Мунасивәтлик хәвәрләр
Тәпсили хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.