Bir Uyghur ziyalisi qirghizistan weziyiti heqqide toxtaldi

Xelq'ara metbu'atlarda, bügün 12 - aprél küni qirghizistan weziyitide nispiy tinchliq weziyiti barliqqa kelgenliki xewer qilinmaqta. Qirghizistanda turushluq Uyghurlardin azat qasim isimlik Uyghur ziyalisi istansimiz Uyghur bölümining ziyaritini qobul qilghinida, özi turushluq bishkek shehiride tinchliqning asasen eslige kélip, weziyetning weqe yüz bérishtin ilgiriki normal haletke yéqinlashqanliqini bayan qildi.
Muxbirimiz mihriban
2010-04-12
Share
Bishkek-kochisini-tazilash-7-aprel-qozghilingidin-keyin-305.jpg Süret, 9 - aprél küni, taziliq ishchiliridin biri bishkek xelq meydanini tazilawatqan körünüsh bolup, qirghizistan weziyitide nispiy tinchliq weziyiti barliqqa kelgen.
AFP Photo

Azat qasim ependi söhbet jeryanida, qirghizistandiki Uyghurlarning ehwali heqqide toxtilip, bu qétimqi weqede Uyghurlar achqan bazarlarning éghir ziyan'gha uchrimighanliqi üchün, bügün dukanlar échilip, Uyghur tijaretchilirining normal tijaritini bashlighanliqini, bir qisim türklerningmu dukanlirini échip tijaritini bashlighanliqini, emma xitaylar achqan dukanlar téxi tijaritini bashlimighanliqini sözlep berdi.

Azat qasim ependi yene, waqitliq hökümetning weqede ölgenlerning a'ile tawabi'atliri üchün tölem béridighanliqini élan qilghanliqini, shundaqla Uyghurlarningmu bu qétimliq weqede ölgenlerning a'ile tawabi'atliri üchün, özlikidin i'ane toplash ishlirini élip bériwatqanliqini, hazir saqchilarning 24 sa'et tinchliq saqlash wezipisini ötewatqanliqini, omumen sheherde tinchliqning eslige kelgenlikini sözlep berdi.

Yuqiridiki awaz ulinishidin, qirghizistanda turushluq Uyghur azat qasim bilen qirghizistanning nöwettiki omumiy weziyiti heqqide élip barghan söhbet xatirisining tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet