Рабийә қадир ханим явропадики зияритидә уйғурларниң вәзийитини аңлатмақчи

Уйғур миллий һәрикитиниң рәһбири рабийә қадир ханим, шветсарийә вә испанийә қатарлиқ дөләтләргә қаратқан зияритини бүгүн рәсмий башлиди.
Муҗбиримиз әқидә
2010-11-22
Share
rabiye-germaniye-305.jpg 2009 - Йили 16-өктәбир, рабийә қадир ханим геманийидики бир ахбарат йиғинида сөз қилмақта.
AFP
Уйғур миллий һәрикитиниң рәһбири рабийә қадир ханим, хәтәр астида қалған милләтләрни қоғдаш тәшкилати , шветсарийә асия мәдәнийәт өйи , шветсарийә шәрқий түркистан җәмийитиниң бирликтә тәшкиллиши астида шветсарийидә бир һәптә зиярәттә болуп, шветсарийә һөкүмити вә кишилик һоқуқ тәшкилатлириға уйғурларниң нөвәттики сиясий вәзийитини аңлитиш паалийәтлири елип баридикән. Шивитсарийә шәрқий түркистан җәмийитиниң мәсули әндили әпәнди, рабийә қадир ханимниң шветсарийидики тунҗи зияритини тонуштурди.

Рабийә қадир ханим, шветсарийидики зиярити давамида, ару вилайитидики мәктәпләрдә зиярәттә болуп, мәктәп оқуғучилириға уйғурларни тонуштурғандин кейин, оқуғучиларниң уйғурлар тоғрисидики соаллириға әтраплиқ җавап берип, оқуғучилар қәлбидә уйғурлар һәққидә чоңқур тәсир қалдурған .

 Рабийә қадир ханим шветсарийидә бир һәптә паалийәт елип бериш җәрянида йәнә, дуня уйғур қурултийиниң германийә вә түркийәдин тәшкилләнгән һәйәт гурупписи билән учрушуп, пат арида өткүзүлмәкчи болған, дуня уйғур қурултийиниң али кеңәш йиғини һәққидә музакириләр елип баридикән. Бу һәқтә мәлумат бәргән дуня уйғур қурултийиниң баш катипи долқун әйса әпәнди мундақ деди.

Уйғур миллий һәрикитиниң рәһбири рабийә қадир ханим, бу йил америка вә явропа дөләтлиридә арқа ‏- арқидин зиярәттә болуп, уйғурлар вәзийитиниң интайин еғир бир вәзийәттә туруватқанлиқини аңлатмақта . Шветсарийидики зияритини ахирлаштурғандин кейин, йәнә испанийидә зиярәттә болуп америкиға қайтип кәлгәндин кейин, йәнә ослода өткүзүлидиған " нобел тинчлиқ мукапати " мурасимиға алаһидә тәклип билән қатнишидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт